மூலோபாய முக்கியத்துவம் வாய்ந்த வர்த்தகப் பாதையான ஹார்முஸ் ஜலசந்தி “எவ்வளவு விரைவில் முடியுமோ அவ்வளவு விரைவில்” திறக்கப்பட வேண்டும் என்று துருக்கியின் வெளியுறவு அமைச்சர் தெரிவித்துள்ளாா்.
துருக்கியின் அதிகாரப்பூர்வ ‘அனடோலு’ (Anadolu) செய்தி முகமையிடம் பேசிய வெளியுறவு அமைச்சர் ஹக்கான் ஃபிடான் (Hakan Fidan) பின்வருமாறு கூறினார்:
”ஈரானுடன் பேச்சுவார்த்தைகள் நடத்தப்பட வேண்டும், அவர்களைச் சம்மதிக்க வைக்கும் முறைகளைக் கையாள வேண்டும். இதன் மூலம் அந்த ஜலசந்தி மிக விரைவில் திறக்கப்பட வேண்டும்.” அமெரிக்காவின் ‘கடற்படை முற்றுகை’ போன்ற ராணுவ நடவடிக்கைகளுக்கு மாறாக, ஈரானுடன் பேச்சுவார்த்தை மற்றும் இராஜதந்திர ரீதியாக இந்தச் சிக்கலைத் தீர்க்க துருக்கி முன்னுரிமை அளிக்கிறது.
ஹார்முஸ் ஜலசந்தி வழியாகத்தான் பெரும்பாலான கச்சா எண்ணெய் விநியோகம் நடைபெறுவதால், அது நீண்ட காலம் மூடப்பட்டிருப்பது உலகப் பொருளாதாரத்திற்குப் பெரும் ஆபத்து என்பதை துருக்கி சுட்டிக்காட்டுகிறது” இவ்வாறு அவர் தெரிவித்துள்ளாா்.
இஸ்ரேல் – ஈரான் போர்: ஹார்முஸ் ஜலசந்தியில் ‘அமைதிப் படை’ அமைக்க பிரான்ஸ் மற்றும் பிரிட்டன் திட்டம்