- Advertisement -
தமிழோ, தெலுங்கோ, மலையாளமோ எந்த மொழியாக இருப்பினும் புது வரவுகளுக்கு பஞ்சமில்லை. புது திரைப்படங்கள் போல ஒவ்வொரு ஆண்டும் புது முகங்கள் திரையுலகிற்கு அறிமுகமாகின்றன. முது முகங்களுக்கு மத்தியில் தங்களின் அடையாளத்தை தக்க வைத்துக்கொள்ள நடிகைகள் எடுக்க வேண்டிய முயற்சிகள் ஏராளம். 30 வயதை தாண்டினாலே ஓரம்கட்டி விடும் திரையுலகில் 30 ஆண்டுகளுக்கும் மேலாக கொடி கட்டி பறப்பவர்கள் வெகு சிலர்களே…அந்த வகையில் நடப்பு ஆண்டில் ரசிகர்களின் மனதை வென்று முன்னணி நடிகைகளாக வலம் வருபவர்களை குறித்த ஒரு சிறிய தொகுப்பு இதோ….
த்ரிஷா எனும் திகட்டாத வசீகரம்…
21 ஆண்டுகளாக வெள்ளித்திரையை ஆளும் தென்னகத்து ராணி தான் இந்த த்ரிஷா கிருஷ்ணன். தி சவுத் குயின் என பிரியமுடன் அழைக்கப்படும் த்ரிஷா, சினிமாவிற்கு வந்து 21 ஆண்டுகள் ஆயினும், நாயகியாகவே நீடித்துக் கொண்டிருக்கும் சாதனையை படைத்தவர் த்ரிஷா. தமிழ், தெலுங்கு, திரைப்படங்களில் நடித்து 20-களில் முன்னணி நடிகைகளின் பட்டியலில் இருந்த த்ரிஷாவுக்கு கடந்த சில வருடங்களாக அமைந்த திரைப்படங்கள் அவருக்கு கைகொடுக்கவில்லை. ஆனால், கடந்த ஆண்டு வெளியான பொன்னியின் செல்வன் திரைப்படம் த்ரிஷாவுக்கு கோலிவுட் திரையுலகில் மீண்டும் ஒரு சிவப்பு கம்பளத்தை விரித்துக்கொடுத்தது. அழகும் அறிவும் ஒருசேர நிரம்பிய பெண்ணாக கோலிவுட் ரசிகர்களின் குந்தவையாகவே மாறிப்போனார் த்ரிஷா. பொன்னியின் செல்வன் படத்தின் மூலம் ரீ என்ட்ரி கொடுத்த த்ரிஷா, அடுத்தடுத்து தி ரோடு, லியோ, விடாமுயற்சி படங்களின் மூலம் கோலிவுட்டில் விட்ட கொடியை பிடித்தார்.
நயன் எனும் மூன்று எழுத்து மந்திரம்…
நயன் எனும் மூன்று எழுத்து மந்திரத்திற்கு மயங்கிப்போய் கிடக்கும் ரசிகர்கள் ஏராளம். 20 வருட திரைப்பயணத்தில் 75 திரைப்படங்களில் நடித்த ஒரே நாயகி நயன்தாரா. பருவப் பெண், இளம் பெண், மனைவி, அம்மா இப்படி தனது வாழ்வின் அடுத்தடுத்த பயணத்திலும் திரை பயணத்தை விடாமல் இறுகப்பற்றியுள்ளார் நயன்தாரா. தமிழ், தெலுங்கு, மலையாளத்தில் லேடி சூப்பர் ஸ்டாராக உச்சம் தொட்ட நயன், இந்தாண்டு பாலிவுட்டிலும் தடம் பதித்து விட்டார். மாபெரும் வாரிசு நடிகைகளின் ஆதிக்கம் நிறைந்த பாலிவுட்டில் நுழைந்து தன் முதல் படத்திலேயே அசரடித்தவர் நயன்தாரா. இறைவன், ஜவான், அன்னபூரணி ஆகிய திரைப்படங்கள் இந்த ஆண்டு நயன்தாரா நடிப்பில் வெளியான திரைப்படங்கள்.
நேஷனல் க்ரஸ் ராஷ்மிகா மந்தனா
சாண்டல்வுட், கோலிவுட், டோலிவுட், பாலிவுட் என எல்லா ஏரியாவிலும் ஒரு கலக்கு கலக்குபவர் ராஷ்மிகா மந்தனா. கன்னடத்தில் கிரிக் பார்ட்டி, தெலுங்கில் சாலோ படத்தின் மூலம் அறிமுகமானவர் ராஷ்மிகா. விஜய் தேவரகொண்டாவுடன் அவர் நடித்த கீதா கோவிந்தம் அக்கட தேசத்தில் அதிரி புதிரி ஹிட் அடித்ததோடு, அனைத்து தேசங்களுக்கும் ஒரு ரவுண்டு அழைத்து சென்றது. ராஷ்மிகாவின் க்யூட் முகபாவனைகளுக்கு மட்டுமே கொட்டிக் கிடக்கின்றனர் ரசிகர்கள். கன்னடம், தமிழ், தெலுங்கு என தென்னிந்திய நடிகையாக இருந்த அவர், குட் பாய் படத்தின் மூலம் பாலிவுட்டுக்கும் நடிகையானார். விஜய்யுடன் வாரிசு, பாலிவுட்டில் மிஷன் மஜ்னு, ரன்பீருடன் அனிமல் என இந்த ஆண்டு ராஷ்மிகாவுக்கு சரவெடியாக வெடித்தது.
மகாநடிகையான கீர்த்தி சுரேஷ்
தமிழ், தெலுங்கு, மலையாளம் ஆகிய மொழிகளில் முன்னணி நடிகையாக வலம் வருபவர் நடிகை கீர்த்தி சுரேஷ். குழந்தை நட்சத்திரமாக சினிமாவில் அறிமுகமான கீர்த்தியிடம் இன்றளவும் அந்த குழந்தை தனத்தை காணலாம். வெறும் கமர்ஷியல் நாயகியாக மட்டுமே திரையில் தோன்றிய கீர்த்தி சுரேஷூக்கு மாறுபட்ட வழியை காட்டிய திரைப்படம் மகாநடிகை. இப்படத்திற்காக தேசிய விருது வென்ற கீர்த்தி சுரேஷ், அடுத்தடுத்து மாறுபட்ட வேடங்களில் நடிக்கத் தொடங்கினார். இந்த ஆண்டு அவரது நடிப்பில் வெளியான தசரா, மாமன்னன், போலா சங்கர் ஆகிய திரைப்படங்கள் நல்ல வரவேற்பை பெற்றன. மாமன்னன் படத்தில் சமூக நீதி பேசும் பெண்ணாக அசத்தியிருப்பார் கீர்த்தி. ரகு தாத்தா, ரிவால்டர் ரீட்டா, சைரன் என அடுத்தடுத்து அவரது படங்கள் வரிசை கட்டி நிற்கின்றன. இது தவிர இந்தியில் தெறி ரீமேக் படத்திலும் கீர்த்தி சுரேஷ் கமிட்டாகி உள்ளார்.
மெழுகு டோலு பிரியங்கா மோகன்
தென்னிந்திய சினிமாவின் முக்கிய நடிகைகளில் ஒருவர் பிரியங்கா மோகன். தெலுங்கில் கேங்ஸ்டர் என்ற திரைப்படத்தின் மூலம் அவர் பிரபலமானார். நானியுடன் சேர்ந்து அவர் நடித்த அத்திரைப்படம் பெரிய ஹிட் அடித்ததோடு, கோலிவுட் திரையுலகிற்கும் கதவை திறந்தது. தமிழில் சிவகார்த்திகேயனுடன் டாக்டர் படத்தின் மூலம் கோலிவுட்டுக்கு அறிமுகமானார் பிரியங்கா மோகன். அதைத் தொடர்ந்து, சூர்யாவுடன் சேர்ந்து எதற்கும் துணிந்தவன் படத்தில் நடித்திருப்பார். தற்போது தனுஷூக்கு ஜோடியாக கேப்டன் மில்லர் படத்தில் மாறுபட்ட வேடத்தில் அவர் நடித்து வருகிறார்.
பிஸியான பிரியா பவானிசங்கர்
செய்தி வாசிப்பாளராக இருந்த பிரியா பவானிசங்கர் 2007-ம் ஆண்டு வெளியான மேயாத மான் திரைப்படத்தின் மூலம் வெள்ளித்திரைக்கு வந்தார். அடுத்தடுத்து அவர் நடித்த திரைப்படங்கள் அவரை வெள்ளித்திரையில் ஜொலிக்க வைத்தன. அதன்பின் சிம்பு, தனுஷ் போன்ற டாப் ஹீரோக்களுடன் ஜோடியாக நடித்த இவர் அடுத்தடுத்து படங்களில் பிஸியாக இருந்து வருகிறார். மேலும் வரிக்குதிரை, டிமான்டி காலனி 2, இந்தியன் 2 போன்ற படங்களில் கமிட்டாகி உள்ள ப்ரியா பவானி சங்கர் இந்த வருட டாப் ஹீரோயின் வரிசை பட்டியலில் தவிர்க்க முடியாதவர்.
கார்குழல் கடவை ஐஸ்வர்யா ராஜேஸ்
சோதனைகள் அனைத்தையும் சாதனைகளாக மாற்றி தமிழ் சினிமாவில் தனக்கென தனியிடம் பிடித்தவர் ஐஸ்வர்யா ராஜேஸ். வெளி மாநிலங்களைச் சேர்ந்த வௌ்ளைச் சருமத்திற்கு மத்தியில், நிலத்தின் நிறத்தில் இருந்து பாகுபாடுகளை கடந்து பவர்புல் நாயகியாக உருவெடுத்தவர் ஐஸ்வர்யா ராஜேஸ். தன் விடாமுயற்சியால், மாறுபட்ட கதாபாத்திரத்தில் நடித்து அடுத்தடுத்த பட வாய்ப்புகளை பெற்று வருகிறார் ஐஸ்வர்யா ராஜேஷ். ஃபர்ஹானா, தீராத காதல், தி கிரேட் இந்தியன் கிச்சன், சொப்பனசுந்தரி போன்ற படங்கள் இந்த ஆண்டு இவரது நடிப்பில் வெளியானவை.
மாறாத இளமையுடன் காஜல் அகர்வால்
வட இந்தியாவிலிருந்து வந்து தென்னிந்திய சினிமாவில் வெற்றிக்கொடி நாட்டிய நடிகைகளில் ஒருவர் காஜல் அகர்வால். கடந்த 12 ஆண்டுகளில் தமிழ். தெலுங்கு, இந்தி என 50க்கு மேற்பட்ட படங்களில் நடித்துள்ளார் காஜல். பிரம்மாண்ட படங்களுக்குப் பெயர்போன இயக்குநர் எஸ்.எஸ்.ராஜமெளலியின் மகதீரா திரைப்படம் காஜலின் வெற்றி கோட்டைக்கு முதல் படியாய் அமைந்தது. தொடர்ந்து தமிழில் விஜய், அஜித், சூர்யா, கார்த்தி, தனுஷ் என அனைத்து முன்னணி நடிகர்களுடன் ஒரு ரவுண்டு வந்துவிட்டார். திருமணம், குழந்தைக்கு பிறகு மாறாத திறமையும், மாறாத இளமையுடன் மீண்டும் ரீ என்ட்ரி கொடுத்துள்ள காஜல் இந்தியன் 2 படத்தில் நடித்து வருகிறார். அவரது நடிப்பில் கோஸ்டி, கருங்காப்பியம் ஆகிய படங்கள் வெளியாகின.
காவாலா பாடலால் கலக்கிய தமன்னா
தமிழ், தெலுங்கு படங்களைத் தொடர்ந்து பாலிவுட்டில் கால்பதித்து பிசியாக நடித்து வருகிறார் நடிகை தமன்னா. விஜய், அஜித், சூர்யா, கார்த்தி, தனுஷ் என முன்னணி நடிகர்களுடன் நடித்து கோலிவுட்டில் கனவுக்கன்னியாக வலம் வந்தவர் தமன்னா. அண்மைக் காலமாக தமிழில் அதிக கவனம் செலுத்தாத தமன்னாவுக்கு, ஜெயிலர் படம் ஒரு பெரிய கம்பேக்காக அமைந்தது. காவாலா என்று ஒரு பாடலால் மட்டுமே, ரசிகர்கள் அவரை தலையில் தூக்கி வைத்து கொண்டாடினர்.
கண்ணா… இல்ல கரண்டா… சமந்தா
