பிரபுதேவா நடிக்கும் பேட்ட ராப் படத்தின் இரண்டாவது பாடல் வெளியாகி உள்ளது.
நடிகர் பிரபுதேவா தற்போது பல படங்களை கைவசம் வைத்துள்ளார். அதன்படி லைப் இஸ் பியூட்டிஃபுல், மூன் வாக், ஜாலியோ ஜிம்கானா, சிங்கநல்லூர் சிக்னல் போன்ற பல படங்களில் நடித்து வருகிறார். அதேசமயம் விஜய் நடிப்பில் உருவாகி வரும் தி கிரேட்டஸ்ட் ஆஃப் ஆல் டைம் திரைப்படத்திலும் முக்கிய கதாபாத்திரத்தில் நடித்துள்ளார் பிரபுதேவா.
இதற்கிடையில் இவர் பேட்ட ராப் எனும் திரைப்படத்திலும் நடித்திருக்கிறார். இதில் பிரபுதேவாவிற்கு ஜோடியாக வேதிகா நடித்துள்ளார். மேலும் ரமேஷ் திலக், விவேக் பிரசன்னா, பகவதி பெருமாள் ஆகியோரும் நடித்திருக்கின்றனர். இந்தப் படத்தை ப்ளூ ஹில் பிலிம்ஸ் நிறுவனம் தயாரிக்க எஸ் ஜே சினு இயக்கியுள்ளார். டி இமானின் இசையிலும் ஜித்து தாமோதரனின் ஒளிப்பதிவியிலும் இந்த படம் உருவாகி இருக்கிறது.
ஏற்கனவே இந்த படத்தின் ஃபர்ஸ்ட் லுக் போஸ்டரும் அதைத் தொடர்ந்து படத்தின் டீசரும் வெளியாகி ரசிகர்கள் மத்தியில் நல்ல வரவேற்பு பெற்றன. மேலும் சமீபத்தில் பேட்ட ராப் படத்தின் அதிரட்டும் டும் டும் டும் எனும் பாடல் வெளியான நிலையில் தற்போது ஆராத்தி ஆராத்தி எனும் பாடலும் வெளியாகி இணையத்தில் வைரலாகி வருகிறது.