விஷ்ணு வரதன் இயக்கத்தில் ஆகாஷ் முரளி நடித்துள்ள நேசிப்பாயா படத்தின் டீசர் வெளியாகி உள்ளது.
நடிகர் முரளியின் இளைய மகன் ஆகாஷ் முரளி ஹீரோவாக அறிமுகமாகியுள்ள திரைப்படம் தான் நேசிப்பாயா. இந்த படத்தில் ஆகாஷ் முரளிக்கு ஜோடியாக அதிதி சங்கர் நடித்திருக்கிறார். மேலும் இவர்களுடன் இணைந்து சரத்குமார், பிரபு, குஷ்பூ, ராஜா உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். இந்த படத்தினை பில்லா, ஆரம்பம் உள்ளிட்ட திரைப்படங்களை இயக்கிய விஷ்ணுவரதன் இயக்கியிருக்கிறார். எக்ஸ் பி ஃபிலிம் கிரியேட்டர்ஸ் நிறுவனம் இந்த படத்தை தயாரித்திருக்கிறது. யுவன் சங்கர் ராஜா இதற்கு இசையமைத்துள்ளார். கேமரான் எரிக் ப்ரிசன் இதன் ஒளிப்பதிவு பணிகளை மேற்கொண்டுள்ளார். இந்த படத்தின் படப்பிடிப்புகள் ஏற்கனவே நிறைவடைந்த நிலையில் கடந்த சில தினங்களுக்கு முன்பாகவே இந்த படத்தின் பர்ஸ்ட் லுக் போஸ்டர் வெளியானது.
அடுத்தது இந்த படத்தின் டீசர் கடந்த செப்டம்பர் 5ஆம் தேதி திரையரங்குகளில் வெளியிடப்பட்டது. தற்போது இணையத்திலும் வெளியாகி ரசிகர்களால் அதிகம் பகிரப்பட்டு வைரலாகி வருகிறது. ரொமான்டிக் காதல் சம்பந்தமான கதைக்களத்தில் உருவாகி இருக்கும் இந்த படமானது விரைவில் வெளியாகும் என்று எதிர்பார்க்கப்படுகிறது.