நடிகர் பிரபாஸ் கல்கி 2898AD, சலார் ஆகிய படங்களின் இரண்டாம் பாகங்களை கைவசம் வைத்திருக்கும் நிலையில் அந்த வரிசையில் தற்போது தி ராஜாசாப் திரைப்படமும் இணைந்திருப்பது ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி உள்ளது.
நடிகர் பிரபாஸ் பாகுபலி 1 மற்றும் பாகுபலி 2 ஆகிய படங்களின் மூலம் இந்திய அளவில் மிகவும் பிரபலமானவர். அதன் பின்னர் இவர் தொடர்ந்து பான் இந்திய படங்களில் கவனம் செலுத்தி வருகிறார். அந்த வகையில் தற்போது பிரபாஸ் இயக்குனர் மாருதி இயக்கத்தில் தி ராஜாசாப் படத்தில் நடிக்கிறார். இதில் பிரபாஸுடன் இணைந்து மாளவிகா மோகனன், நிதி அகர்வால், யோகி பாபு ஆகியோர் முக்கிய கதாபாத்திரங்களில் நடிக்கின்றனர். பீப்பிள் மீடியா ஃபேக்டரி நிறுவனம் இந்த படத்தை தயாரிக்கிறது.
கார்த்திக் பழனி ஒளிப்பதிவு பணிகளை கவனிக்க இசையமைப்பாளர் தமன் இதற்கு இசையமைக்கிறார். இந்த படமானது 2025 டிசம்பர் 5ஆம் தேதி பிரம்மாண்டமாக உலகம் முழுவதும் திரைக்கு வர முழு வீச்சில் தயாராகி வருகிறது. இதற்கிடையில் இந்த படத்தில் இருந்து அடுத்தடுத்த போஸ்டர்களும், டீசரும் வெளியாகி ரசிகர்கள் மத்தியில் ஏகபோக வரவேற்பை பெற்று வருகின்றன. இந்நிலையில் இந்த படத்தின் இரண்டாம் பாகத்தை உருவாக்க படக்குழு திட்டமிட்டு வருவதாக தெரியவந்திருக்கிறது. ஏற்கனவே நடிகர் பிரபாஸ் கல்கி 2898AD, சலார் ஆகிய படங்களின் இரண்டாம் பாகங்களை கைவசம் வைத்திருக்கும் நிலையில் அந்த வரிசையில் தற்போது தி ராஜாசாப் திரைப்படமும் இணைந்திருப்பது ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி உள்ளது. விரைவில் மற்ற அப்டேட்டுகள் வெளியாகும் என நம்பப்படுகிறது.
- Advertisement -