‘டாக்ஸிக்’ படத்தில் இணைந்த சிவகார்த்திகேயன் பட நடிகை!

சிவகார்த்திகேயன் படம் நடிகை ஒருவர் டாக்ஸிக் படத்தில் இணைந்துள்ளார்.

கன்னடத்தில் வெளியான கே.ஜி.எஃப் 1 மற்றும் 2 ஆகிய படங்களின் மூலம் இந்திய அளவில் பிரபலமானவர் நடிகர் யாஷ். இவர் தற்போது ‘ராமாயணா’ படத்தில் ராவணனாக நடித்து வருகிறார். அதேசமயம் தமிழில் மாதவன் நடிப்பில் வெளியான ‘நளதமயந்தி’ திரைப்படத்தில் நடித்திருந்த கீது மோகன்தாஸ் இயக்கத்தில் டாக்ஸிக் எனும் திரைப்படத்திலும் நடித்து வருகிறார். இந்த படத்தை கே.வி.என் ப்ரொடக்ஷன்ஸ் நிறுவனம் தயாரிக்கிறது. இப்படமானது பிரம்மாண்டமாக தயாராகி வருகிறது. அதன்படி இந்த படத்தின் படப்பிடிப்புகள் கடந்த பல மாதங்களாக விறுவிறுப்பாக நடைபெற்று வருகின்றன. இந்த படத்தின் மீதான எதிர்பார்ப்பு மிகப்பெரிய அளவில் இருக்கும் நிலையில் படத்திலிருந்து கிளிம்ப்ஸ் வீடியோ மட்டும் வெளியாகி இருக்கிறது. அடுத்தது இப்படம் 2026 மார்ச் 19ஆம் தேதி திரைக்கு வரும் என அறிவிக்கப்பட்டிருக்கிறது. அதன்படி கன்னடம் மற்றும் ஆங்கிலம் ஆகிய மொழிகளில் உருவாகி வரும் இப்படமானது மற்ற மொழிகளில் டப் செய்யப்பட்டு திரையிடப்பட உள்ளது. இந்நிலையில் இந்த படத்தில் நடிகை ருக்மிணி வசந்த் இணைந்திருப்பதாக தகவல் வெளியாகியுள்ளது. ஏற்கனவே இதில் நயன்தாரா, ஹுமா குரேஷி ஆகியோர் முக்கிய கதாபாத்திரங்களில் நடித்து வருகின்றனர் என்பது குறிப்பிடத்தக்கது.