மதராஸி படத்திலிருந்து வெளியான புதிய புகைப்படம் இணையத்தில் வைரலாகி வருகிறது.
சிவகார்த்திகேயனின் 23வது படமாக உருவாகியுள்ள திரைப்படம் தான் மதராஸி. இந்த படத்தை பிரபல இயக்குனர் ஏ.ஆர். முருகதாஸ் இயக்கியுள்ளார். ஸ்ரீ லட்சுமி மூவிஸ் நிறுவனம் இந்த படத்தை தயாரிக்க அனிருத் இந்த படத்தில் இசையமைப்பாளராக பணியாற்றியுள்ளார். இப்படத்தில் சிவகார்த்திகேயனுக்கு ஜோடியாக ருக்மினி வசந்த் நடித்துள்ளார். மேலும் பிஜு மேனன், விக்ராந்த், வித்யூத் ஜம்வால், சபீர் கல்லாரக்கல் ஆகியோர் நடித்திருக்கின்றனர்.
இந்த படமானது ஆக்ஷன் திரில்லர் ஜானரில் உருவாகி இருப்பது போல் தெரிகிறது. மேலும் இந்த படத்தில் காதலும் மையக்கருவாக இருக்கும் என்று சொல்லப்படுகிறது. இப்படத்தில் சிவகார்த்திகேயன் இரண்டு விதமான தோற்றங்களில் நடித்திருக்கிறார். இந்த படமானது 2025 செப்டம்பர் 5ஆம் தேதி உலகம் முழுவதும் வெளியாக முழு வீச்சில் தயாராகி வருகிறது. ‘அமரன்’ படத்தின் மாபெரும் வெற்றிக்கு பிறகு இப்படம் வெளியாவதால் இதன் மீதான எதிர்பார்ப்பு ஆரம்பத்திலிருந்தே அதிகமாக இருந்து வருகிறது. அது மட்டும் இல்லாமல் இயக்குனர் ஏ.ஆர். முருகதாஸ், சிவகார்த்திகேயனை எந்த மாதிரியான பரிமாணத்தில் காட்டியிருப்பார் என்பதை காணவும் ரசிகர்கள் ஆர்வத்துடன் காத்துக் கொண்டிருக்கின்றனர். 
இதற்கிடையில் இந்த படத்தில் இருந்து அடுத்தடுத்த போஸ்டர்கள், டீசர், முதல் பாடல் வெளியாகி ரசிகர்களை கவர்ந்துள்ளது. அடுத்தது விரைவில் இப்படத்தின் இசை வெளியீட்டு விழா நடைபெறும் என தகவல் வெளியாகி வருகின்றன. இந்நிலையில் இந்த படத்தில் இருந்து புதிய புகைப்படம் ஒன்று இணையத்தில் வெளியாகி செம வைரலாகி வருகிறது.