D54 படத்தில் பிரபல மலையாள நடிகர் முக்கிய கதாபாத்திரத்தில் நடிப்பதாக தகவல் வெளியாகி உள்ளது.
தனுஷ் நடிப்பில் கடந்த சில தினங்களுக்கு முன்னர் இட்லி கடை திரைப்படம் வெளியாகி வெற்றி நடைபோட்டு வருகிறது. இதைத்தொடர்ந்து வருகின்ற நவம்பர் மாதம் ‘தேரே இஷ்க் மெய்ன்’ திரைப்படம் வெளியாக இருக்கிறது. இதற்கிடையில் தனுஷ் ஏகப்பட்ட படங்களில் கமிட் ஆகியிருக்கிறார். அந்த வகையில் இவர் ‘போர் தொழில்’ படத்தின் இயக்குனர் விக்னேஷ் ராஜா இயக்கத்தில் தனது 54 வது திரைப்படத்தில் நடித்து வருகிறார். தற்காலிகமாக D54 என்று தலைப்பு வைக்கப்பட்டிருக்கும் இந்த படத்தை வேல்ஸ் ஃபிலிம் இன்டர்நேஷனல் நிறுவனத்தின் சார்பில் ஐசரி கணேஷ் தயாரிக்கிறார். ஜி.வி. பிரகாஷ் இதற்கு இசையமைக்கிறார்.
இதில் தனுஷுடன் இணைந்து மமிதா பைஜூ, கருணாஸ், ஜெயராம், கே.எஸ். ரவிக்குமார், சுராஜ் வெஞ்சரமூடு, பிரித்வி பாண்டியராஜன் ஆகியோர் நடிப்பதாக சொல்லப்படுகிறது. விறுவிறுப்பான திரைக்கதையில் திரில்லர் படமாக உருவாகும் இந்த படத்தின் படப்பிடிப்புகள் ஏற்கனவே தொடங்கப்பட்டு விறுவிறுப்பாக நடைபெற்று வருகிறது. மேலும் இந்த படமானது அடுத்த ஆண்டு பிப்ரவரி மாதத்தில் திரைக்கு வரும் என்று சொல்லப்படுகிறது. இந்நிலையில் இதன் கூடுதல் தகவல் என்னவென்றால், இந்த படத்தில் பிரபல மலையாள நடிகர் முக்கிய கதாபாத்திரத்தில் நடிப்பதாக தகவல் வெளியாகி இருக்கிறது. அதாவது பிரபல மலையாள நடிகர்களான ஜெயராம், சுராஜ் வெஞ்சரமூடு ஆகியோர் இந்த படத்தில் நடித்து வரும் நிலையில், இவர்களில் யாரேனும் ஒருவர் வில்லன் ரோலில் நடிக்கிறாரா? என்ற கேள்வி எழுந்துள்ளது. இருப்பினும் இது தொடர்பான உறுதியான தகவல் எதுவும் கிடைக்கவில்லை.
ஜெயராம் ஏற்கனவே தாம் தூம், சரோஜா ஆகிய படங்களில் வில்லனாக நடித்திருந்தார். சுராஜ் வெஞ்சரமூடு, விக்ரமின் ‘வீர தீர சூரன்’ திரைப்படத்தில் வில்லனாக நடித்திருந்தார். எனவே இவர்களில் யாரேனும் ஒருவர் ‘D54’ படத்தில் வில்லனாக நடிக்கும் தகவல் உண்மையாகும் பட்சத்தில் படத்தின் மீதான எதிர்பார்ப்புகள் இன்னும் அதிகமாகும் என்பது குறிப்பிடத்தக்கது.