ஜெயிலர் 2 படத்தின் லேட்டஸ்ட் அப்டேட் வெளியாகியுள்ளது.
தமிழ் சினிமாவில் கோலமாவு கோகிலா, டாக்டர் ஆகிய வெற்றி படங்களை கொடுத்த நெல்சன் பீஸ்ட் படத்தில் சற்று தோல்வியை சந்தித்தார். இருப்பினும் ரஜினிக்காக தரமான கதையை தயார் செய்து கடந்த 2023 ஆம் ஆண்டு ‘ஜெயிலர்’ எனும் மாபெரும் வெற்றி படத்தை கொடுத்தார். இதைத் தொடர்ந்து இவர், ‘ஜெயிலர் 2’ படத்தை இயக்கி வருகிறார். இந்த படத்தின் மீதான எதிர்பார்ப்பு மிகப்பெரிய அளவில் இருந்து வரும் நிலையில் இதன் படப்பிடிப்புகளும் கடந்த பல மாதங்களுக்கு முன்னரே தொடங்கி கேரளா போன்ற பகுதிகளில் விறுவிறுப்பாக நடைபெற்று வந்தது. 
அடுத்தது கோவாவில் இதன் அடுத்த கட்ட படப்பிடிப்பு நடத்தப்பட்டு வருகிறது. இந்த படப்பிடிப்பில் ரஜினி, எஸ்.ஜே. சூர்யா, சந்தானம் ஆகியோர் கலந்து கொள்வதாக தகவல் வெளியாகி இருக்கின்றன. இதற்கிடையில் இந்த படத்தில் ஏகப்பட்ட பிரபலங்கள் இணைந்து இருப்பதாக தகவல் வெளியாகி ரசிகர்களின் ஆர்வத்தையும், எதிர்பார்ப்பையும் மேன்மேலும் அதிகமாக்கியுள்ளது. அந்த வகையில் இப்படத்தில் நந்தமுரி பாலகிருஷ்ணா கேமியோ ரோலில் நடிப்பார் என்று சொல்லப்பட்டது.
ஆனால் தற்போது நந்தமுரி பாலகிருஷ்ணா இப்படத்திலிருந்து விலகியதாகவும் அவருக்கு பதிலாக நடிகர் பகத் பாசில் அந்த கேரக்டரில் நடிக்க இருப்பதாகவும் தகவல் கசிந்துள்ளது. ஏற்கனவே பகத் பாசில், ரஜினியுடன் இணைந்து ‘வேட்டையன்’ திரைப்படத்தில் நடித்திருந்தார் என்பது குறிப்பிடத்தக்கது.