ஜனநாயகன் படத்திலிருந்து புதிய போஸ்டர் வெளியாகி உள்ளது.
விஜயின் 69 ஆவது படமாக உருவாகி வரும் திரைப்படம் தான் ‘ஜனநாயகன்’. இந்த படத்தை ஹெச். வினோத் இயக்க கே.வி.என் ப்ரொடக்ஷன்ஸ் நிறுவனம் இதனை தயாரிக்கிறது. அனிருத் இதன் இசையமைப்பாளராகவும், சத்யன் சூரியன் இதன் ஒளிப்பதிவாளராகவும் பணியாற்றுகின்றனர். இந்த படத்தில் விஜய், ‘தளபதி வெற்றி கொண்டான்’ என்ற கதாபாத்திரத்தில் போலீஸ் அதிகாரியாக நடிக்க, இவருடன் இணைந்து பாபி தியோல், பூஜா ஹெக்டே, மமிதா பைஜு மற்றும் பலர் நடித்துள்ளனர். அரசியல்வாதியாக மாறியுள்ள விஜயின் கடைசி படம் இது என்பதால் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது.
அதன்படி அடுத்த ஆண்டு பொங்கல் தினத்தை முன்னிட்டு ஜனவரி 9ஆம் தேதி திரைக்கு வர இருக்கும் இந்த படத்தை காண ரசிகர்கள் மிகுந்த ஆர்வத்துடன் காத்துக் கொண்டிருக்கின்றனர். இதற்கிடையில் இந்த படத்தில் இருந்து முன்னோட்ட வீடியோவும், அடுத்தடுத்த போஸ்டர்களும் வெளியாகி ரசிகர்களை உற்சாகப்படுத்தி வருகிறது. அடுத்தது இந்த படத்தில் இருந்து முதல் பாடல் வெளியாக இருக்கிறது. இந்நிலையில் படக்குழு இந்த படத்திலிருந்து புதிய போஸ்டரை வெளியிட்டு, “ஆரம்பிக்கலாம்” என்று குறிப்பிட்டு பதிவு ஒன்றினை வெளியிட்டுள்ளது.
Let’s Begin 🔥🔥🔥#Thalapathy @actorvijay sir #HVinoth @hegdepooja @anirudhofficial @thedeol @_mamithabaiju @Jagadishbliss @LohithNK01 @RamVJ2412 @TSeries #JanaNayagan#JanaNayaganPongal #JanaNayaganFromJan9 pic.twitter.com/4VlEonM0Q9
— KVN Productions (@KvnProductions) November 6, 2025
இதன் மூலம் இந்த படத்தின் முதல் பாடல் குறித்த அப்டேட்டை படக்குழு விரைவில் வெளியிடும் என்று எதிர்பார்க்கப்படுகிறது. மேலும் தற்பொழுது வெளியாகி உள்ள போஸ்டரில் விஜயின் லுக் வேற லெவலில் இருப்பதால் ரசிகர்கள் இந்த போஸ்டரை இணையத்தில் அதிகம் பகிர்ந்து வைரலாக்கி வருகின்றனர்.