பாஜக – என்.ஆர் காங்கிரஸ் மோதல்: கட்சித் தலைமையுடன் ஆலோசித்து முடிவு – நாஜிம்

“புதுச்சேரியில் சட்டப்பேரவைத் தலைவர் பதவி மற்றும் அமைச்சர்களுக்கான இலாகாக்கள் ஒதுக்கப்படாததால், மாநிலத்தில் எந்தவொரு மக்கள் திட்டங்களையும் செயல்படுத்த முடியாமல் முட்டுக்கட்டையாக உள்ளது. எனவே, விரைவில் அமைச்சர்களுக்கு இலாகா வழங்கக் கோரி நாங்கள் ஆர்ப்பாட்டத்தில் ஈடுபட்டுள்ளோம்” என்று எதிர்க்கட்சித் தலைவர் ஏ.எம்.எச். நாஜிம் தெரிவித்துள்ளார்.

​புதுச்சேரி சட்டப்பேரவையில் மொத்தம் 30 தேர்ந்தெடுக்கப்பட்ட இடங்கள் உள்ள நிலையில், தற்போதைய பலம் மற்றும் கூட்டணி முரண்பாடுகள் குறித்து அவர் மேலும் கூறியதாவது:
​”சட்டப்பேரவைத் தலைவர் பதவி மற்றும் அமைச்சர்களின் இலாகா ஒதுக்கீட்டில் ஆளுங்கட்சியான என்.ஆர். காங்கிரஸ் (12 இடங்கள்) மற்றும் அதன் கூட்டணி கட்சியான பாஜக (4 இடங்கள்) இடையே கடுமையான கருத்து வேறுபாடு ஏற்பட்டுள்ளது.
​

இந்தச் சூழலில், பாஜகவுடனான கூட்டணியில் இருந்து விலகி, திமுக (5 இடங்கள்) மற்றும் காங்கிரஸ் (1 இடம்) ஆகியவற்றின் ஆதரவுடன் புதிய ஆட்சி அமைக்க முதல்வர் ரங்கசாமி ஆதரவு கோரினால், அவருக்கு ஆதரவு அளிக்கப்படுமா? என்ற கேள்வி எழுந்துள்ளது. இதுகுறித்து எங்கள் கட்சித் தலைமையிடம் விரிவாக ஆலோசித்து, அதற்கு ஏற்பவே இறுதி முடிவு எடுக்கப்படும்.”
​அமைச்சரவை குளறுபடிகளால் புதுச்சேரி அரசியல் வட்டாரத்தில் தற்போது பெரும் பரபரப்பு நிலவி வருகிறது.