அமெரிக்கா மற்றும் ஈரான் நாடுகளுக்கு இடையே போர் பதற்றம் உச்சத்தை எட்டியுள்ள நிலையில், அமெரிக்க அதிபர் டொனால்ட் டிரம்ப்பின் 20 வயது மகன் பாரன் டிரம்பிற்கு ஈரான் அரசு ஊடகம் நேரடியாகக் கொலை மிரட்டல் விடுத்துள்ளது பெரும் அதிர்ச்சியை ஏற்படுத்தியுள்ளது.
‘வேர் டு கில் பாரன்’ – ஈரானின் சர்ச்சை வீடியோ
ஈரானிய அரசுத் தொலைக்காட்சியான ‘சேனல் 3’-ல் ‘வேர் டு கில் பாரன்’ (Where to Kill Barron) என்ற தலைப்பில் வீடியோ ஒன்று ஒளிபரப்பப்பட்டுள்ளது. அதில் இடம் பெற்றுள்ள முக்கிய அம்சங்கள்:
தீவிர கண்காணிப்பு: பாரன் டிரம்பின் அன்றாட நடமாட்டங்கள், அவர் செல்லும் இடங்கள் ஆகியவை துல்லியமாகக் கண்காணிக்கப்பட்டு அதில் காண்பிக்கப்பட்டுள்ளன.
பாதுகாப்பு வளையத்தில் ஊடுருவல்: அமெரிக்காவின் பலத்த ரகசியப் பாதுகாப்புப் படையையும் (Secret Service) மீறி, ஒரு பெண் பாரனை நேரடியாகச் சந்தித்ததாக அந்த வீடியோவில் தெரிவிக்கப்பட்டுள்ளது.
பரிசுத் தொகை அறிவிப்பு: பாரன் டிரம்பின் தலைக்கு 10 மில்லியன் டாலர் (சுமார் ₹95 கோடி) பரிசாக அறிவிக்கப்பட்டுள்ளது.
நேரடி எச்சரிக்கை: “இது தொடக்கம் மட்டுமே. பாரன் டிரம்ப், எங்களுக்காகக் காத்திரு” என்ற அச்சுறுத்தலுடன் இந்த வீடியோ நிறைவடைகிறது.
தொடரும் அச்சுறுத்தல்கள்
கடந்த மாதம் மெலனியா டிரம்பை இலக்கு வைத்து, ‘மெலனியாவைக் கொல்வது எங்கே?’ என்ற தலைப்பில் இதே போன்றதொரு வீடியோவை ஈரான் அரசுத் தொலைக்காட்சி வெளியிட்டிருந்தது. நியூயார்க் நகரில் அவர் பயணிக்கும் வாகன வரிசை மற்றும் அவர் வழக்கமாகச் செல்லும் பிரபல ஆடை அங்காடிகள் அதில் காட்டப்பட்டிருந்தன.
தற்போது குடும்பத்தினரைக் குறிவைத்து அடுத்தடுத்து வெளியாகும் இந்த தீவிர அச்சுறுத்தல்களைத் தொடர்ந்து, மெலனியா மற்றும் பாரன் ஆகிய இருவருக்கும் அமெரிக்க ரகசியப் பாதுகாப்புப் படையினர் 24 மணி நேரமும் பலத்த பாதுகாப்பை வழங்கி வருகின்றனர்.
மத்திய கிழக்கு பதற்றம் எதிரொலி… ஐரோப்பாவில் எண்ணெய், எரிவாயு விலை மீண்டும் உயருமா?