உலகெங்கிலும் இயங்கி வரும் அமெரிக்கத் தூதரகங்கள் மற்றும் விசா மையங்களில் மேற்கொள்ளப்பட்டு வந்த குடியேற்ற விசா (Immigrant Visa) தொடர்பான நேர்காணல் நியமனங்கள் தற்காலிகமாக நிறுத்தி வைக்கப்படுவதாக அமெரிக்க வெளியுறவுத் துறை அதிகாரப்பூர்வமாக அறிவித்துள்ளது.
சிறப்புப் பயிற்சியின் முக்கியப் பின்னணி
விசா விண்ணப்பங்களைப் பரிசீலிக்கும் தூதரக அதிகாரிகளுக்கு, விண்ணப்பதாரர்களின் விவரங்களை மேலும் விரிவாகவும் துல்லியமாகவும் ஆய்வு செய்யும் வகையில் இந்த உயர்மட்டப் பயிற்சிகள் வடிவமைக்கப்பட்டுள்ளன. குறிப்பாக, அமெரிக்காவிற்குள் நுழைந்த பிறகு அங்குள்ள அரசின் நலத்திட்ட உதவிகள் மற்றும் பொது நிதியை (Public Benefits) முற்றிலும் சார்ந்திருக்கும் வாய்ப்புள்ள நபர்களை ‘பொதுப் பாரம்’ (Public Charge) என்ற விதியின் கீழ் முன்கூட்டியே கண்டறிந்து வடிகட்டுவதற்காகவே இந்த நடவடிக்கை தீவிரப்படுத்தப்பட்டுள்ளது.
விண்ணப்பதாரர்களுக்குக் குறிப்புச் செய்தி
இந்தப் பயிற்சி நடவடிக்கைகள் நடைபெற்று வருவதால், ஏற்கனவே விசா நேர்காணலுக்குத் திகதி ஒதுக்கப்பட்டிருந்த அனைத்து விண்ணப்பதாரர்களுக்கும் அவர்களின் நேர்காணல் தற்காலிகமாக ரத்து செய்யப்படுவதாகத் தகவல்கள் தெரிவிக்கப்பட்டு வருகின்றன. புதிய நேர்காணல் தேதிகள் மற்றும் நேரங்கள் குறித்துப் பின்னர் முறைப்படி மின்னஞ்சல் மூலமாக அறிவிக்கப்படும் என்றும் தூதரகத் தரப்பில் கூறப்பட்டுள்ளது.
அமெரிக்க அரசின் இந்த திடீர் தற்காலிக நிறுத்த உத்தரவால் கிரீன் கார்டு, குடும்ப உறுப்பினர்களை அழைக்கும் விசாக்கள் உள்ளிட்ட பல்வேறு குடியேற்ற விசாக்களுக்காக நீண்டநாட்களாகக் காத்திருக்கும் உலகளாவிய விண்ணப்பதாரர்கள் மற்றும் இந்தியக் குடும்பங்கள் பெரும் கவலையிலும் குழப்பத்திலும் ஆழ்ந்துள்ளனர். இருப்பினும், தூதரக அதிகாரிகளுக்கான சிறப்புப் பயிற்சிகள் நிறைவடைந்தவுடன், நிலுவையில் உள்ள விண்ணப்பங்களுக்கான புதிய நேர்காணல் தேதிகள் வரிசையாக ஒதுக்கீடு செய்யப்படும் என எதிர்பார்க்கப்படுகிறது.
தெலங்கானாவில் பயங்கர சாலை விபத்து: தனியார் பேருந்து – லாரி மோதியதில் 6 பேர் பலி; 12 பேர் காயம்!