இன்றைய காலகட்டத்தில் வேலையிழப்பு அல்லது எதிர்பாராத நிதி நெருக்கடிகளை எதிர்கொள்ள ஒரே ஒரு முதன்மை வருமானத்தை மட்டுமே நம்பியிருப்பது பாதுகாப்பற்றது. இதனால் அனைவரும் தங்களுக்கு என்று ஒரு கூடுதல் வருமான வழியை (Side Income / Passive Income) உருவாக்கிக் கொள்வது மிக அவசியம் எனப் பொருளாதார நிபுணர்கள் மற்றும் துறை சார்ந்த வல்லுநர்கள் சுட்டிக்காட்டுகின்றனர்.
எளிய முறையில் குறைந்த முதலீட்டில் தொடங்கக்கூடிய 10 கூடுதல் வருமான திட்டங்கள் மற்றும் அதற்காகப் பின்பற்ற வேண்டிய முக்கிய விதிகள் குறித்துக் கீழே விரிவாகக் காணலாம்:
கூடுதல் வருமானம் தொடங்க 3 முக்கிய விதிகள்:
ஏதேனும் ஒரு பகுதிநேரத் தொழிலைத் தொடங்குவதற்கு முன் மூன்று முக்கியமான விதிகளைக் கவனத்தில் கொள்ள வேண்டும்:
குறைந்த முதலீடு: கடன் வாங்காமலும், சொத்துகளை விற்று அதிக ரிஸ்க் எடுக்காமலும் கையில் இருக்கும் குறைந்த முதலீட்டில் தொழிலைத் தொடங்க வேண்டும்.
கணிக்கக்கூடிய வருவாய்: வாராந்திர அல்லது மாதாந்திர அடிப்படையில் குறிப்பிட்ட காலக்கெடுவுக்குள் கணிசமான வருமானம் தரும் வாய்ப்புகளைத் தேர்ந்தெடுக்க வேண்டும்.
நேரக் கட்டுப்பாடு: முதன்மை வேலை மற்றும் குடும்பத்திற்கான நேரத்தைப் பாதிக்காத வகையில், மீதமுள்ள ஓய்வு நேரத்தில் மட்டுமே இத்தொழில்களைச் செய்ய வேண்டும்.
10 எளிய கூடுதல் வருமான திட்டங்கள்:
1. வார இறுதி டியூஷன் மற்றும் பயிற்சி வகுப்புகள்: தங்களுக்குத் தெரிந்த மொழிகள் (தமிழ், ஆங்கிலம், இந்தி), கலைகள் (பரதநாட்டியம், சமையல்) அல்லது பாடப் பிரிவுகள் (இயற்பியல், வேதியியல், கணக்கு, B.Com, CA) ஆகியவற்றில் வார இறுதியில் 2 மணி நேரம் மட்டும் செலவழித்து 4 மாணவர்களுக்கு கற்றுக்கொடுத்தால் மாதம் ₹8,000 வரை ஈட்ட முடியும்.
2. வீட்டில் இருந்தபடியே ஆடை விற்பனை: மொத்த விற்பனையாளர்களிடம் (Wholesale) புடவைகள் மற்றும் ஆடை ரகங்களை வாங்கி, இன்ஸ்டாகிராம் ரீல்ஸ் அல்லது யூடியூப் ஷாட்ஸ் மூலம் வாடிக்கையாளர்களைக் கவர்ந்து வாட்ஸ்அப் வழியாக விற்பனை செய்யலாம்.
3. குறும்பட வீடியோ எடிட்டிங் (Short-form Video Editing): InShot, KineMaster போன்ற செயலிகள் மூலம் 60 விநாடி ரீல்ஸ்களை எடிட் செய்து கொடுப்பதன் மூலம், ஒரு ரீலுக்கு ₹500 முதல் ₹1,000 வரை கட்டணம் பெறலாம். மாதம் 15 ரீல்கள் எடிட் செய்து கொடுத்தால் ₹7,500 முதல் ₹15,000 வரை வருமானம் ஈட்ட இயலும்.
4. உணவக சப்ஸ்கிரிப்ஷன் சேவை (Meal & Tiffin Subscription): சமையலில் ஆர்வமுள்ளவர்கள், அருகிலுள்ள ஐடி ஊழியர்கள் அல்லது பேச்சுலர்களுக்கு காலை மற்றும் மதிய உணவை பாக்ஸ்களில் வழங்கும் சப்ஸ்கிரிப்ஷன் முறையைத் தொடங்கலாம். 2 முதல் 3 வாடிக்கையாளர்கள் கிடைத்தால் கூட மாதம் ₹8,000 முதல் ₹12,000 வரை ஈட்ட முடியும்.
5. ஹோம் பேக்கிங் மற்றும் கேக் தயாரிப்பு: வீடுகளிலேயே தரமான கேக்குகளைத் தயாரித்து அலுவலக நண்பர்கள் மற்றும் இன்ஸ்டாகிராம் மூலம் ஆர்டர்களைப் பெறலாம். வார இறுதியில் சில கேக்குகளைத் தயாரித்து விற்பனை செய்வதன் மூலம் மாதம் ₹4,000 முதல் ₹6,000 வரை சம்பாதிக்கலாம்.
6. அப்பளம் மற்றும் ஊறுகாய் தயாரிப்பு: வீட்டில் தயாரிக்கும் அப்பளம் மற்றும் ஊறுகாய்களை கவர்ச்சிகரமான பாக்கெட்டுகளில் அடைத்து விற்பனை செய்வது மிகவும் எளிய மற்றும் நிரந்தர வாடிக்கையாளர்களை உருவாக்கித் தரும் தொழிலாகும்.
7. மொழிபெயர்ப்பு மற்றும் பிழைதிருத்தம் (Proofreading & Subtitling): நல்ல மொழியறிவு உள்ளவர்கள் Naukri, Freelance பிளாட்ஃபார்ம்கள் மூலம் பிழை திருத்தம், சப்டைட்டில் தயாரிப்பு மற்றும் மொழிபெயர்ப்புப் பணிகளைச் செய்து வாரத்திற்கு 2 மணி நேரம் செலவழிப்பதன் மூலம் மாதம் ₹4,000 முதல் ₹5,000 வரை பெற முடியும்.
8. காலி இடத்தை வாடகைக்கு விடுதல் (Parking Rent): சொந்தமாக காலி நிலம் வைத்திருப்பவர்கள், அதைச் சீரமைத்து சிசிடிவி கேமரா பொருத்தி கார்கள் அல்லது இருசக்கர வாகனங்களை நிறுத்துவதற்கான மாதாந்திர பார்க்கிங் இடமாக வாடகைக்கு விடலாம்.
9. போட்டோகிராபி மற்றும் வீடியோகிராபி சேவைகள்: கேமரா அல்லது ஸ்மார்ட்போன் வைத்திருப்பவர்கள், வார இறுதி நாட்களில் நடக்கும் சிறு நிகழ்வுகள் (Events) மற்றும் லைஃப்ஸ்டைல் போட்டோஷூட்களை எடுத்துக்கொடுத்து கூடுதல் வருமானம் பெறலாம்.
10. பயன்பாட்டு உபகரணங்கள் வாடகை (Asset Rental): வீட்டில் பயன்படுத்தாமல் இருக்கும் கார், பைக் அல்லது ஃப்ரிட்ஜ், வாஷிங் மெஷின் போன்ற சாதனங்களை வாடகைக்கு விடுவதன் மூலம் எவ்வித கூடுதல் உழைப்பும் இன்றி மாதாந்திர வருவாய் பெற இயலும்.
இறுதி எச்சரிக்கை: கூடுதல் வருமானம் ஈட்டும் முயற்சியில் இறங்கும்போது உங்களின் முதன்மை வேலை மற்றும் குடும்பத்திற்கான மன அமைதியைப் பாதிக்காதவாறு திட்டமிட்டுக் கொள்வது மிகவும் அவசியம்.