நடிகர் அர்ஜுன் தாஸ் நடிப்பில் இயக்குநர் மதுமிதா இயக்கும் புதிய திரைப்படத்திற்கு ‘ஜான் டோ’ (John Doe) எனப் பெயரிடப்பட்டுள்ளது. இப்படத்தின் தலைப்பைத் தயாரிப்பு நிறுவனமான அர்கா மீடியா ஒர்க்ஸ் அதிகாரப்பூர்வமாக அறிவித்துள்ளது.
பரபரப்பான க்ரைம் த்ரில்லர்
க்ரைம் த்ரில்லர் பாணியில் உருவாகும் இப்படத்தில் அர்ஜுன் தாஸ் கதாநாயகனாக நடிக்கிறார். அவருடன் சஞ்சனா நடராஜன் மற்றும் சிருஷ்டி ஆகியோர் முக்கிய கதாபாத்திரங்களில் நடிக்கின்றனர்.
‘பாகுபலி’ உள்ளிட்ட பிரம்மாண்ட திரைப்படங்களைத் தயாரித்த அர்கா மீடியா ஒர்க்ஸ் நிறுவனம் சார்பில் பிரசாத் தேவினேனி மற்றும் ஷோபு யார்லகட்டா இப்படத்தைத் தயாரிக்கின்றனர்.
தொழில்நுட்பக் குழு
இப்படத்தின் கதை மற்றும் திரைக்கதையை இயக்குநர் மதுமிதா, நிக்கோலஸ் செவாலியருடன் இணைந்து எழுதியுள்ளார். முஜீப் மஜீத் இசையமைக்க, பிரீதா ஜெயராமன் ஒளிப்பதிவு செய்கிறார். விஜய் வெங்கடராமன் படத்தொகுப்புப் பணிகளையும், தினேஷ் சுப்பராயன் சண்டைப் பயிற்சி இயக்கத்தையும் கவனிக்கின்றனர்.
மீண்டும் இணையும் அர்ஜுன் தாஸ் – மதுமிதா
மதுமிதா ஏற்கெனவே ‘வல்லமை தாராயோ’, ‘கொல கொலயா முந்திரிக்கா’, ‘மூணே மூணு வார்த்தை’ உள்ளிட்ட படங்களை இயக்கியுள்ளார். அர்ஜுன் தாஸ் மற்றும் மதுமிதா இதற்கு முன்பு ‘புத்தம் புது காலை விடியாதா’ ஆந்தாலஜி தொடரில் தனித்தனி பகுதிகளில் பணியாற்றியுள்ளனர். தற்போது இருவரும் புதிய திரைப்படத்திற்காக இணைந்துள்ளனர்.
முன்னதாக, மலையாளத்தில் வெளியான ‘அங்கமாலி டைரீஸ்’ திரைப்படத்தின் இந்தி மறுஉருவாக்கத்திற்காக இருவரும் இணைவதாகத் தகவல்கள் வெளியாகியிருந்தன. இந்நிலையில், ‘ஜான் டோ’ படத்தின் தலைப்பு அறிவிப்பு வெளியாகியுள்ளது.
படத்தின் கதை, வெளியீட்டுத் தேதி உள்ளிட்ட கூடுதல் விவரங்கள் குறித்து படக்குழு இதுவரை அறிவிக்கவில்லை.
வசூலில் சாதனை படைக்கும் ரஜினியின் ‘ஜெயிலர் 2’! உலகளவில் ரூ.300 கோடியைக் கடந்தது