தமிழ் திரையுலகில் ரசிகர்களால் அதிகம் பேசப்படும் ஜோடிகளில் சிம்பு – நயன்தாரா ஜோடியும் ஒன்று. இவர்கள் இருவரும் சுமார் 10 ஆண்டுகளுக்குப் பிறகு மீண்டும் இணைந்து நடிக்க உள்ளதாக வெளியாகியுள்ள தகவல் ரசிகர்களிடையே எதிர்பார்ப்பை ஏற்படுத்தியுள்ளது.
கீர்த்தீஸ்வரன் இயக்கத்தில் சிம்பு?
பிரதீப் ரங்கநாதன் நடிப்பில் வெளியான ‘டியூட்’ படத்தின் மூலம் கவனம் பெற்ற இயக்குநர் கீர்த்தீஸ்வரன், தனது அடுத்த படத்தில் சிலம்பரசனை இயக்க உள்ளதாக ஏற்கனவே தகவல்கள் வெளியாகின. தற்போது இந்தப் படத்தில் நயன்தாராவை கதாநாயகியாக நடிக்க வைக்க பேச்சுவார்த்தை நடைபெற்று வருவதாகக் கூறப்படுகிறது.
மேலும், இப்படம் காவல்துறை பின்னணியில் உருவாகும் கதையாக இருக்கலாம் என்றும், இதில் சிம்பு காவல்துறை அதிகாரியாக நடிக்க உள்ளதாகவும் தகவல்கள் தெரிவிக்கின்றன. படப்பிடிப்பு டிசம்பர் மாதம் தொடங்க வாய்ப்புள்ளதாகவும் கூறப்படுகிறது.
10 ஆண்டுகளுக்குப் பிறகு மீண்டும் ஜோடி?
சிம்பு – நயன்தாரா இருவரும் முதன்முதலில் 2006-ம் ஆண்டு வெளியான ‘வல்லவன்’ படத்தில் இணைந்து நடித்தனர். அதன்பிறகு 2016-ம் ஆண்டு பாண்டிராஜ் இயக்கத்தில் வெளியான ‘இது நம்ம ஆளு’ படத்தில் மீண்டும் ஜோடி சேர்ந்தனர்.
தற்போது வெளியாகியுள்ள தகவல்கள் உறுதியானால், ‘இது நம்ம ஆளு’ படத்துக்குப் பிறகு 10 ஆண்டுகள் கழித்து இருவரும் மீண்டும் ஒரே படத்தில் இணைந்து நடிப்பார்கள். இந்தச் செய்தி இருவரது ரசிகர்களிடமும் உற்சாகத்தை ஏற்படுத்தியுள்ளது.
அதிகாரப்பூர்வ அறிவிப்பு எப்போது?
சிம்பு தற்போது வெற்றிமாறன் இயக்கத்தில் உருவாகி வரும் ‘அரசன்’ படத்தில் நடித்து வருகிறார். அந்தப் படத்தை முடித்த பிறகு கீர்த்தீஸ்வரன் இயக்கத்தில் நடிக்கும் புதிய படத்தின் பணிகள் தொடங்கலாம் என எதிர்பார்க்கப்படுகிறது.
இருப்பினும், சிம்புவுக்கு ஜோடியாக நயன்தாரா நடிப்பது குறித்து படக்குழுவினர் இதுவரை அதிகாரப்பூர்வமாக அறிவிக்கவில்லை. எனவே, இந்தக் கூட்டணி குறித்த தகவல்கள் உறுதியாகும் வரை ரசிகர்கள் காத்திருக்க வேண்டியுள்ளது.
7 வயதிலேயே 12 மொழிகள் பேசும் அசின் மகள் அரின்! டிவி, செல்போன் இல்லாத வளர்ப்பு முறை