நடிகை கீர்த்தி சுரேஷ் மற்றும் இயக்குநர் மிஷ்கின் இணைந்து நடித்துள்ள ‘சத்தியவான் சாவித்திரி’ திரைப்படத்தின் டிரெய்லர் வெளியாகி ரசிகர்களின் கவனத்தை ஈர்த்து வருகிறது.
பிரவீன் எஸ். விஜய் இயக்கத்தில் உருவாகியுள்ள இப்படத்தில் கீர்த்தி சுரேஷ், மிஷ்கின், ஹார்ட் பீட் புகழ் சாருகேஷ், பால சரவணன் உள்ளிட்டோர் முக்கிய கதாபாத்திரங்களில் நடித்துள்ளனர். ஜீ ஸ்டுடியோஸ் மற்றும் ட்ரம்ஸ்டிக்ஸ் புரொடக்ஷன்ஸ் இணைந்து இப்படத்தைத் தயாரித்துள்ளன. படத்திற்கு சாம் சி.எஸ் இசையமைத்துள்ளார்.
வழக்கறிஞராக கீர்த்தி சுரேஷ்
இப்படத்தில் சாவித்திரி என்ற வழக்கறிஞர் கதாபாத்திரத்தில் கீர்த்தி சுரேஷ் நடித்துள்ளார். ஒரு பிரச்சினையில் சிக்கிக்கொள்ளும் தனது கணவரை அவர் எவ்வாறு காப்பாற்றுகிறார் என்பதே படத்தின் மையக்கருவாக அமைந்துள்ளது.
கணவரைக் காப்பாற்ற நீதிமன்றத்தில் வழக்காடும் கீர்த்தி சுரேஷுக்கு எதிராக மிஷ்கின் மற்றொரு வழக்கறிஞராகக் களமிறங்குகிறார். இருவருக்கும் இடையேயான நீதிமன்ற மோதல்கள் படத்தின் முக்கிய அம்சமாக இருக்கும் என்பதை டிரெய்லர் உணர்த்துகிறது.
நவம்பர் 20-ம் தேதி வெளியாகிறது
படத்தின் டிரெய்லர் தற்போது வெளியாகியுள்ள நிலையில், ரசிகர்கள் மத்தியில் எதிர்பார்ப்பு அதிகரித்துள்ளது. ‘சத்தியவான் சாவித்திரி’ திரைப்படம் வரும் நவம்பர் 20-ம் தேதி தமிழ் மற்றும் தெலுங்கு மொழிகளில் திரையரங்குகளில் வெளியாக உள்ளது.
கீர்த்தி சுரேஷ் – மிஷ்கின் கூட்டணி மற்றும் வித்தியாசமான கதைக்களம் காரணமாக இப்படம் ரசிகர்களிடையே கவனம் பெற்றுள்ளது.
ரசிகர்களை கவர்ந்த கார்த்திக் சுப்பராஜின் ‘டோரதி’…. 50வது நாள் வெற்றி விழா!