கோலிவுட்டில் நான்கு ஸ்டார் நடிகர்கள் நடிக்கும் படங்களின் அப்டேட் வெளிவந்துள்ளது.
தமிழ் திரையுலகின் முன்னணி நாயகர்களான ரஜினிகாந்த், சூர்யா, சிவகார்த்திகேயன் மற்றும் தனுஷ் ஆகியோர் தங்களது அடுத்தடுத்த படைப்புகளில் முற்றிலும் மாறுபட்ட கதாபாத்திரங்களை ஏற்று நடித்து வருகின்றனர். வழக்கமான பாணியிலிருந்து விலகி, ரசிகர்களுக்கு ஒரு புதிய அனுபவத்தை வழங்கவுள்ள அந்த நான்கு திரைப்படங்களின் சுவாரஸ்யமான பின்னணியை இங்கே காணலாம்.
ரஜினிகாந்த் நடிக்கும் தர்மன்
ஓ மை கடவுளே டிராகன் ஆகிய படங்களை இயக்கிய இயக்குநர் அஸ்வத் மாரிமுத்து இயக்கத்தில் ரஜினிகாந்த் நடித்து வரும் படம் ‘தர்மன்’. இப்படத்தில் அவர் ஒரு மருத்துவர் கதாபாத்திரத்தில் நடித்து வருகிறார். மிகுந்த எதிர்பார்ப்புகளுடன் உருவாகி வரும் இப்படத்தின் படப்பிடிப்பு பணிகள் முழுவீச்சில் நடைபெற்று வருகின்றன.
சிவகார்த்திகேயன் நடிக்கும் சேயோன்
இயக்குநர் சிவகுமார் முருகேசனுடன் சிவகார்த்திகேயன் கைகோர்த்துள்ள திரைப்படம் தான் ‘சேயோன்’. முருகப்பெருமானை அடிப்படையாகக் கொண்ட கதைக்களத்தில் உருவாகும் இப்படத்தின் இறுதிக்கட்ட காட்சிகள் மிகவும் பிரம்மாண்டமான முறையில் படமாக்கப்பட உள்ளதாகத் தெரிகிறது. ஏற்கனவே இப்படத்தின் மீதான எதிர்பார்ப்பு அதிகமாக இருந்து வரும் நிலையில் இனிவரும் நாட்களில் மற்ற அப்டேட்டுகளும் வெளிவந்து ரசிகர்களை உற்சாகப்படுத்தும் என நம்பப்படுகிறது.
சூர்யாவின் சூர்யா 48
ஜெய் பீம், வேட்டையன் படத்தின் இயக்குனர் டி.ஜே. ஞானவேல் இயக்கத்தில் சூர்யா நடித்து வரும் 48-வது திரைப்படம் இது. சூர்யா 48 என்று தற்காலிகமாக தலைப்பு வைக்கப்பட்டுள்ள இப்படத்தில் சூர்யாவும் ஒரு மருத்துவராகவே நடித்து வருவதாகத் தெரிகிறது. இதன் படப்பிடிப்பு தற்போது ஜப்பானில் விறுவிறுப்பாக நடந்து வருகிறது.
தனுஷ் நடிக்கும் D56
ஓம் படத்திற்கு பிறகு இயக்குநர் தமிழரசன் பச்சமுத்து இயக்கத்தில் தனுஷ் தனது 56வது திரைப்படத்தில் நடித்து வருகிறார். இந்த படத்திற்கு தற்காலிகமாக D56 என்று தலைப்பு வைக்கப்பட்டுள்ளது. எதார்த்தமான கேங்ஸ்டர் ஆக்ஷன் கதையாக உருவாகி வரும் இப்படத்தில், தனுஷ் கோயில் பூசாரி வேடத்தில் நடித்து வருவதாக தகவல்கள் தெரிவிக்கின்றன.
இவ்வாறு நான்கு முன்னணி நடிகர்களும் வெவ்வேறு களங்களில் புதிய பரிமாணங்களை முயற்சித்து வருவது, தமிழ் சினிமா ரசிகர்களிடையே பெரும் எதிர்பார்ப்பை உருவாக்கியுள்ளது.