விஜய் தேவரகொண்டா நடிப்பில் உருவாகியுள்ள ஃபேமிலி ஸ்டார் படத்தின் முதல் பாடல் வெளியாகி உள்ளது.
தெலுங்கு சினிமாவில் முன்னணி நடிகராக வலம் வருபவர் விஜய் தேவரகொண்டா. இவர் நடிப்பில் வெளியான அர்ஜுன் ரெட்டி, கீதா கோவிந்தம் உள்ளிட்ட படங்கள் ரசிகர்களை வெகுவாக கவர்ந்தது. கடைசியாக விஜய் தேவரகொண்டா, குஷி திரைப்படத்தில் நடித்திருந்தார். இப்படம் ரசிகர்கள் மத்தியில் விமர்சன ரீதியாக
நல்ல வரவேற்பை பெற்று வசூல் ரீதியாகவும் நல்ல வசூலை பெற்று தந்தது.
அதைத் தொடர்ந்து விஜய் தேவரகொண்டா நடிப்பில் ஃபேமிலி ஸ்டார் எனும் திரைப்படம் உருவாகியுள்ளது. இப்படத்தை கீதா கோவிந்தம் படம் இயக்குனர் பரசுராம் பெட்லா இயக்கியுள்ளார். இந்த படத்தில் விஜய் தேவரகொண்டாவிற்கு ஜோடியாக சீதாராமம் பட புகழ் மிர்ணாள் தாகூர் நடித்துள்ளார். 
ஸ்ரீ வெங்கடேஸ்வரா க்ரியேஷன்ஸ் நிறுவனம் இந்த படத்தை தயாரித்துள்ளது. படத்திற்கு கோபி சுந்தர் இசையமைத்துள்ளார். இப்படம் வருகின்ற ஏப்ரல் 5ம் தேதி உலகம் முழுவதும் வெளியாக இருக்கிறது. இது சம்பந்தமான அறிவிப்பு ஏற்கனவே வெளியான நிலையில் தற்போது இந்த படத்தின் நந்த நந்தனா எனும் முதல் பாடல் வெளியாகி உள்ளது. இந்த பாடல் சமூக வலைதளங்களில் வைரலாகி வருகிறது.