- Advertisement -
ரஜினிகாந்த் நடித்த படையப்பா திரைப்படம் திரையரங்குகளில் ரீ ரிலீஸாகவுள்ளது.

கடந்த 1999-ம் ஆண்டு திரையரங்குகளில் வெளியாகி கோலிவுட்டையே ஒரு கலக்கு கலக்கிய திரைப்படம் என்றால் அது படையப்பா தான். ரஜினிகாந்தின் திரைவாழ்வில் மட்டுமன்றி, கோலிவுட் திரையுலகிலும் ஒரு மைல்கல்லாக அமைந்தது படையப்பா திரைப்படம். கே.எஸ்.ரவிக்குமார் இத்திரைப்படத்தை இயக்கியிருக்கிறார். படத்திற்கு ஏ ஆர் ரஹ்மான் இதற்கு இசை அமைத்திருந்தார்.


இந்த படத்தில் ரஜினியுடன் இணைந்து ரம்யா கிருஷ்ணன், சௌந்தர்யா, சிவாஜிகணேசன், சித்தாரா, மணிவண்ணன், செந்தில், நாசர், அப்பாஸ், பிரீத்தா விஜயகுமார், லட்சுமி உள்ளிட்ட பல நட்சத்திரங்கள் நடித்திருந்தனர். படத்தில் ரஜினியின் ஸ்டைலும், மாஸூம் ரசிகர்கள் மத்தியில் கைத்தட்டல்களை பெற்றுக் கொடுத்தன. அதேசமயம், படத்தில் ரஜினிக்கு ஈடாக வில்லியாக நடித்து மிரட்டியிருப்பார் ரம்யா கிருஷ்ணன். இப்படத்தின் வெற்றிக்கு பிறகு ரம்யா கிருஷ்ணனின் மார்க்கெட் உச்சத்திற்கு சென்றது. கோலிவுட்டின் முன்னணி நாயகியாக உருவெடுத்தார்.



