தல, தளபதி ரசிகர்கள் மீண்டும் மோதல்… கில்லி பட பேனர் கிழிப்பால் பரபரப்பு..

சென்னையில் நடிகர் அஜித் நடித்த தீனா திரைப்படம் ரீ ரிலீஸ் செய்யப்பட்ட திரையரங்கம் முன்பு, இருந்த கில்லி பட பேனரை ரசிகர்கள் கிழித்து ஆர்ப்பாட்டம் செய்துள்ளனர்.

சினிமாவில் ஹிட் அடித்த பழையா கிளாஸ் திரைப்படங்களை மீண்டும் திரையரங்குகளில் மறு வெளியீடு செய்வது தற்போது டிரெண்டாகி வருகிறது. நல்ல திரைப்படங்கள் மீண்டும் வெளியீடு செய்யப்படும்போதும், ரசிகர்கள் மத்தியில் நல்ல வரவேற்பு கிடைக்கிறது. தரணி இயக்கத்தில் விஜய் மற்றும் த்ரிஷா நடித்த கில்லி திரைப்படம் அண்மையில் ரீ ரிலீஸ் செய்யப்பட்டது. 20 ஆண்டுகள் கடந்த போதிலும், படம் முதல் நாள்வெளியானது போல அதே வரவேற்பு ரசிகர்கள் மத்தியில் கிடைத்தது. மேலும், படத்தை திரையரங்கில் கொண்டாடித் தீர்த்தனர்.

கில்லி திரைப்படம் சுமார் 10 கோடி ரூபாய்க்கு மேல் வசூல் ஈட்டி சாதனை படைத்து வருகிறது. இப்படத்திற்கு கிடைத்த வெற்றியை தொடர்ந்து, ஹிட் அடித்த படங்கள் அடுத்தடுத்து ரீ ரிலீஸ் செய்யப்படுகின்றன. அந்த வகையில், அஜித்தின் பிறந்தநாளை ஒட்டி மங்காத்தா மற்றும் தீனா திரைப்படமும் திரையரங்கில் மறுவெளியீடு செய்யப்பட்டது.

Worst Dai 😣😣😣 pic.twitter.com/iZHa5cBF2D

— Revanth #TVK (@Revanth_K5) May 1, 2024

வழக்கமாக அஜித் மற்றும் விஜய் ரசிகர்கள் மோதிக் கொள்வது வழக்கமாகும். பண்டிகை நாட்களில் அஜித் மற்றும் விஜய் படங்கள் அடுத்தடுத்து வெளியாகும் போது தல மற்றும் தளபதி ரசிகர்கள் என மோதிக் கொள்வர். நேரடியாக மட்டுமன்றி சமூக வலைதளங்களிலும் இருவரும் மோதிக் கொள்வது உண்டு. அந்த வகையில், சென்னை ஜாஃபர்கான்பேட்டை காசி திரையரங்கில் தீனா ரீ ரிலீஸ் பார்க்க வந்த ரசிகர் ஒருவர், திரையரங்கம் முன்புறம் வைக்கப்பட்டிருந்த கில்லி பட போஸ்டரை கிழித்ததால் பரபரப்பு ஏற்பட்டது.