கவின் நடிப்பில் உருவாகி வரும் புதிய படத்தில் நடிகை குஷ்பூ இணைந்துள்ளதாகக் கூறப்படுகிறது.
தமிழ் சினிமாவில் வளர்ந்து வரும் இளம் நடிகர் கவின். கவின் நடிப்பில் வெளியாகி வரும் படங்களுக்கு ரசிகர்கள் மத்தியில் நல்ல வரவேற்பு கிடைத்து வருகிறது. கடைசியாக கவின் நடிப்பில் வெளியான ‘டாடா’ திரைப்படம் நல்ல வரவேற்பைப் பெற்றது.
இந்த படத்தை அடுத்து கவின் பிரபல டான்ஸ் மாஸ்டர் சதிஷ் இயக்கத்தில் புதிய படத்தில் நடிக்க உள்ளார். இந்தப் படத்திற்கு அனிருத் இசையமைக்க இருப்பதாகக் கூறப்படுகிறது. ரோமியோ பிக்சர்ஸ் தயாரிப்பில் உருவாகும் இந்த படத்தின் முதற்கட்ட பணிகள் நடைபெற்று வருகிறது.
அயோத்தி நடிகை ப்ரீத்தி அஸ்ராணி இந்தப் கவினுக்கு ஜோடியாக நடிக்க இருப்பதாகக் கூறப்படுகிறது. அயோத்தி படத்தில் ப்ரீத்தி அஸ்ராணி சிறப்பான நடிப்பை வெளிப்படுத்தியிருந்தார். படத்தில் நடிகை ப்ரீத்தியின் நடிப்புக்கு பாராட்டுக்கள் குவிந்தன.
இந்நிலையில் இந்தப் படத்தில் மற்றுமொரு பிரபல நடிகை இணைந்துள்ளார். ஆம், நடிகை குஷ்பூ இந்தப் படத்தில் இணைந்துள்ளதாகக் கூறப்படுகிறது. அவர் கவினுக்கு அம்மாவாக நடிக்கலாம் என்று எதிர்பார்க்கப்படுகிறது. இந்தப் படம் குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.