ஹரிஷ் கல்யாணின் 15ஆவது பட முக்கிய அப்டேட் வெளியாகியுள்ளது.
தமிழ் சினிமாவில் பொறியாளன், ப்யார் பிரேமா காதல், தாராள பிரபு ஆகிய படங்களின் மூலம் ரசிகர்கள் மத்தியில் மிகவும் பிரபலமானவர் ஹரிஷ் கல்யாண். இவர் தற்போது அடுத்தடுத்த படங்களில் பிஸியாக நடித்து வருகிறார். அந்த வகையில் இவர் ஏற்கனவே ‘நூறு கோடி வானவில்’ போன்ற படங்களை கைவசம் வைத்துள்ளார். இதற்கிடையில் கடந்த அக்டோபர் 17ஆம் தேதி இவரது நடிப்பில் உருவாகியிருந்த ‘டீசல்’ திரைப்படம் வெளியானது. அதே சமயம் இவர் ‘லிஃப்ட்’ படத்தின் இயக்குனர் வினித் வரபிரசாத் இயக்கத்தில் தனது 15வது திரைப்படத்தில் நடித்து வருகிறார். இந்த படத்திற்கு HK 15 என்று தற்காலிகமாக தலைப்பு வைக்கப்பட்டுள்ளது. ஐடிஏஏ ப்ரொடக்ஷன்ஸ் நிறுவனம் தயாரிக்கும் இந்த படத்தில் ஹரிஷ் கல்யாணுக்கு ஜோடியாக ப்ரீத்தி முகுந்தன் நடிக்கிறார். 
ஆக்சன் திரில்லர் படமாக உருவாகும் இந்த படத்தின் படப்பிடிப்பு கடந்த சில மாதங்களுக்கு முன்னர் தொடங்கப்பட்டு விறுவிறுப்பாக நடைபெற்று முடிந்துள்ளது. இந்நிலையில் இந்த படத்தின் டைட்டில் குறித்த அறிவிப்பு வருகின்ற நவம்பர் 22ஆம் தேதி வெளியாகும் என தற்போதைய தகவல்கள் தெரிவிக்கின்றன. இது தொடர்பான அதிகாரப்பூர்வ அறிவிப்பு படக்குழுவினர் சார்பில் விரைவில் வெளியிடப்படும் என்று நம்பப்படுகிறது. மேலும் இந்த படத்திற்கு ‘தாஷமகான்’ என்று தலைப்பு வைக்கப்பட்டிருப்பதாக ஏற்கனவே சமூக வலைதளங்களில் தகவல் கசிந்திருந்தது குறிப்பிடத்தக்கது.