ஜெயம் ரவி தற்போது ஆண்டனி பாக்யராஜ் இயக்கத்தில் ‘சைரன்’ படத்தில் நடித்து வருகிறார். இந்தப் படத்தில் ஜெயம் ரவி, கீர்த்தி சுரேஷ் இருவரும் முன்னணிக் கதாபாத்திரங்களில் நடிக்கின்றனர்.
சமுத்திரக்கனி மற்றும் யோகி பாபு உள்ளிட்டோரும் முக்கியக் கதாபாத்திரங்களில் நடிக்கின்றனர். தற்போது இந்தப் படத்தின் படப்பிடிப்பில் ‘ப்ரேமம்’ நடிகை அனுபமா பரமேஸ்வரன் இணைந்துள்ளார்.
தற்போது இப்படத்தின் படப்பிடிப்பு காரைக்காலில் நடைபெற்று வருகிறது.
ஜெயம் ரவி மற்றும் அனுபமா பரமேஸ்வரன் பங்கு பெறும் ஒரு பாடல் காட்சி படமாக்கப்பட்டு வருகிறது. இன்னும் ஓரிரு நாட்களில் படப்பிடிப்பை முடித்துவிட்டு படக்குழுவினர் சென்னை திரும்ப உள்ளனர்.
இதற்கிடையில் ஜெயம் ரவி, ‘பொன்னியின் செல்வன் 2‘ படத்தின் வெளியீட்டிற்கு தயாராகி வரும் நிலையில், படத்தின் மற்ற நடிகர்களுடன் இணைந்து ப்ரோமோஷன் பணிகளில் ஆர்வமாகக் கலந்துகொண்டு வருகிறார்.
‘பொன்னியின் செல்வன் 2’ ஏப்ரல் 28 ஆம் தேதி திரையரங்குகளில் வெளியாக உள்ளது. மேலும் ஜெயம் ரவி இயக்குனர் அஹமத் இயக்கத்தில் ‘இறைவன்’ படத்திலும் அதே இயக்குனருடன் ‘ஜன கண மன’ படங்களிலும் நடித்துள்ளார். அந்தப் படங்களில் ரிலீஸ் குறித்த அப்டேட் தற்போது வரை வெளியிடப்படவில்லை.