Homeசெய்திகள்சினிமாகோலிவுட்டுக்கு வரும் புது ஜோடி... அர்ஜுன் தாஸ் - அதிதி ஷங்கர் கூட்டணியில் புதிய படம்...

கோலிவுட்டுக்கு வரும் புது ஜோடி… அர்ஜுன் தாஸ் – அதிதி ஷங்கர் கூட்டணியில் புதிய படம்…

-

- Advertisement -
 
தமிழ் சினிமாவின் முன்னணி நடிகையாக வலம் வருபவர் அதிதி ஷங்கர். இவர் பிரபல இயக்குநர் ஷங்கரின் இரண்டாவது மகள் ஆவார். கார்த்தி நடிப்பில் வெளியான விருமன் திரைப்படத்தின் மூலம் இவர் கதாநாயகியாக தமிழ் சினிமாவுக்கு அறிமுகமானார். இதைத் தொடர்ந்து சிவகார்த்திகேயன் நடிப்பில், மடோன் அஸ்வின் இயக்கத்தில் உருவான மாவீரன் திரைப்படத்திலும் அவர் நாயகியாக நடித்திருந்தார். அப்படத்தில் பத்திரிகையாளராக நடித்து புகழ் பெற்றார் அதிதி ஷங்கர்.
நடிப்பு மட்டுமன்றி நடனம், பாடல் என அனைத்து துறைகளிலும் அவர் கலக்கி வருகிறார். தற்போது விஷ்ணு விஷால் நடிக்கும் புதிய படம் மற்றும் ஆகாஷ் முரளிக்கு ஜோடியாக நேசிப்பாயா ஆகிய திரைப்படங்களில் நடித்து வருகிறார். இதனிடையே அதிதி ஷங்கர் அடுத்ததாக அர்ஜூன் தாஸூக்கு ஜோடியாக புதிய படத்தில் கமிட்டாக உள்ளதாக கூறப்படுகிறது.
குட் நைட் படத்தை தயாரித்த மில்லியன் டாலர்ஸ் நிறுவனம் இப்படத்தை தயாரிக்க உள்ளதாகவும், அறிமுக இயக்குநர் இப்படத்தை இயக்க உள்ளதாகவும் தகவல் வெளியாகி இருக்கிறது. ஹிருதயம் படத்திற்கு இசை அமைத்த, அப்துல் இப்படத்திற்கு இசை அமைக்கிறார். ரொமான்டிக் காதல் கதைக்களத்தில் இத்திரைப்படம் உருவாக உள்ளது. ரசவாதி படத்தைத் தொடர்ந்து இத்திரைப்படத்தில் அர்ஜூன் தாஸ் நடிப்பதாக தகவல் வெளியாகி உள்ளது. விரைவில் அதிகாரப்பூர்வ அறிவிப்பு வெளியாகும் என்றும் எதிர்பார்க்கப்படுகிறது.

MUST READ