ஆர்யா – சாயிஷா தம்பதிக்கு ரசிகர்கள் வாழ்த்து… அன்பு மழையில் தம்பதி…
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSI2ODAiIGhlaWdodD0iNDA4IiB2aWV3Qm94PSIwIDAgNjgwIDQwOCI+PHJlY3Qgd2lkdGg9IjEwMCUiIGhlaWdodD0iMTAwJSIgc3R5bGU9ImZpbGw6I2NmZDRkYjtmaWxsLW9wYWNpdHk6IDAuMTsiLz48L3N2Zz4=)
தமிழ் ரசிகர்களாலும், திரையுலகினராலும் சார்மி என அன்புடன் அழைக்கப்படும் சாக்லேட் பாய் நடிகர் ஆர்யா. 2005-ம் ஆண்டு வெளியான அறிந்தும் அறியாமலும் திரைப்படத்தின் மூலம் நாயகனாக அறிமுகம் ஆனவர் ஆர்யா. இதைத் தொடர்து கலாபக் காதலன், பட்டியல், நான் கடவுள், மதராசப்பட்டினம், பாஸ் என்கிற பாஸ்கரன், அவன் இவன், வேட்டை, ராஜா ராணி, இப்படி பல வெற்றிப் படங்களில் நடித்துள்ளார். ஆர்யா நடிப்பில் கடந்த 2021-ம் ஆண்டு வெளியான திரைப்படம் சார்பட்டா பரம்பரை. பா ரஞ்சித் இத்திரைப்படத்தை இயக்கியிருப்பார். இத்திரைப்படம் ரசிகர்கள் மத்தியில் பெரும் வரவேற்பை பெற்றது.
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIxMjAwIiBoZWlnaHQ9IjgwMCIgdmlld0JveD0iMCAwIDEyMDAgODAwIj48cmVjdCB3aWR0aD0iMTAwJSIgaGVpZ2h0PSIxMDAlIiBzdHlsZT0iZmlsbDojY2ZkNGRiO2ZpbGwtb3BhY2l0eTogMC4xOyIvPjwvc3ZnPg==)
முதல் பாகத்தின் வெற்றியைத் தொடர்ந்து, தற்போது சார்பட்ட பரம்பரை படத்தின் இரண்டாம் பாகம் உருவாகி வருகிறது. அதேபோல, எஃப்.ஐ.ஆர். படத்தை இயக்கிய மனு ஆனந்த் இயக்கும் புதிய படத்திலும் ஆர்யா நடிக்கிறார். இப்படத்திற்கு மிஸ்டர் எக்ஸ் என்று தலைப்பு வைக்கப்பட்டு உள்ளது. இந்த இரண்டு திரைப்படங்களிலும் அவர் நடித்து வருகிறார். இந்த இரண்டு படங்களின் படப்பிடிப்புக்கா அவர் தீவிர பயிற்சியில் ஈடுபட்டுள்ளார்.
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIxMzkyIiBoZWlnaHQ9IjE0MDYiIHZpZXdCb3g9IjAgMCAxMzkyIDE0MDYiPjxyZWN0IHdpZHRoPSIxMDAlIiBoZWlnaHQ9IjEwMCUiIHN0eWxlPSJmaWxsOiNjZmQ0ZGI7ZmlsbC1vcGFjaXR5OiAwLjE7Ii8+PC9zdmc+)
இந்நிலையில், நடிகர் ஆர்யாவும், அவரது மனைவியும், நடிகையுமான சாயிஷாவும் 5-வது திருமண நாளை கொண்டாடினர். இதையொட்டி இருவரும் புகைப்படங்களை பகிர்ந்தது, இணையத்தில் வைரலாகி வருகின்றன. இதற்கு ரசிகர்களும், திரைப்பிரபலங்களும் வாழ்த்து தெரிவித்து வருகின்றனர். ஆர்யாவும் சாயிஷாவும், கஜினிகாந்த், காப்பான் உள்ளிட்ட படங்களில் இணைந்து நடித்துள்ளனர். இவர்களுக்கு ஒரு பெண் குழந்தை இருப்பது குறிப்பிடத்தக்கது.