கூலி படப்பிடிப்பு நிறைவடைந்துள்ளதாக தகவல் வெளியாகியுள்ளது.
சூப்பர் ஸ்டார் ரஜினிகாந்தின் 171 வது படமாக உருவாகி வரும் திரைப்படம் தான் கூலி. இந்த படத்தை கைதி, மாஸ்டர், விக்ரம், லியோ ஆகிய வெற்றி படங்களை கொடுத்த லோகேஷ் கனகராஜ் இயக்கி வருகிறார். இந்த படம் லோகேஷ் கனகராஜின் எல்சியு- வின் கீழ் இல்லாமல் தனி படமாக உருவாகி வருகிறது. மேலும் இந்த படத்தில் நடிகர் ரஜினி நெகட்டிவ் ஷேடட் ரோலில் நடிப்பதாக சொல்லப்படுகிறது. இப்படத்தின் மீதான எதிர்பார்ப்பு மிகப்பெரிய அளவில் இருக்கும் நிலையில் இப்படத்தினை 2025 தீபாவளி தினத்தை முன்னிட்டு திரைக்கு கொண்டு வர படக்குழு திட்டமிட்டு வருவதாக தகவல் வெளியாகி வருகின்றனர். அடுத்தது இந்த படத்தின் படப்பிடிப்புகள் ஏற்கனவே தொடங்கப்பட்ட விறுவிறுப்பாக நடைபெற்று வரும் நிலையில் இந்த படத்தின் ஒட்டுமொத்த படப்பிடிப்பும் முடிவுக்கு வந்துள்ளதாக தற்போதைய தகவல்கள் தெரிவிக்கின்றன. 
இருப்பினும் அதிகாரப்பூர்வ அறிவிப்பு படக்குழுவின் சார்பில் வெளியாகும் வரை பொறுத்து இருந்துதான் பார்க்க வேண்டும்.
கூலி திரைப்படத்தின் ரஜினியுடன் இணைந்து நாகார்ஜூனா, சத்யராஜ், ஸ்ருதிஹாசன் மற்றும் பலர் நடித்து வருகின்றனர். அதுமட்டுமில்லாமல் பூஜா ஹெக்டே இந்த படத்தில் ஸ்பெஷல் பாடல் ஒன்றுக்கு நடனமாடுகிறார். சன் பிக்சர்ஸ் நிறுவனம் இப்படத்தை தயாரிக்க அனிருத் இந்த படத்திற்கு இசையமைக்கிறார் என்பது குறிப்பிடத்தக்கது.