நடிகர் சிவகார்த்திகேயன் நடிப்பில் கடைசியாக அயலான் திரைப்படம் வெளியானது. இந்த படம் சிறியவர்கள் முதல் பெரியவர்கள் வரை அனைவரையும் கவர்ந்து பிளாக்பஸ்டர் ஹிட் அடித்தது. 
அதைத் தொடர்ந்து சிவகார்த்திகேயன் அமரன் எனும் திரைப்படத்தில் நடித்து வருகிறார். இந்த படத்தின் படப்பிடிப்புகள் பரபரப்பாக நடைபெற்று வரும் நிலையில் படமானது செப்டம்பர் மாதத்தில் வெளியாகும் என தகவல் வெளிவந்து கொண்டிருக்கின்றன. அதே சமயம் நடிகர் சிவகார்த்திகேயன் , ஏ ஆர் முருகதாஸ் இயக்கத்தில் புதிய படம் ஒன்றில் நடித்து வருகிறார். சிவகார்த்திகேயனின் 23 வது படமாக உருவாகி வரும் இந்தப் படத்திற்கு SK23 என்று தற்காலிகமான தலைப்பு வைக்கப்பட்டுள்ளது. இதில் சிவகார்த்திகேயனுடன் இணைந்து வித்யூத் ஜம்வால், ருக்மினி வசந்த், பிஜு மேனன் ஆகியோர் நடிக்கின்றனர். ஏ ஆர் முருகதாஸ் இயக்கத்தில் வெளியான கத்தி, துப்பாக்கி போன்ற படங்களை போல் இந்த படமும் ஆக்ஷன் நிறைந்த கதைக்களத்தில் உருவாகி வருகிறது. 
இந்த படத்தின் படப்பிடிப்புகள் கடந்த சில மாதங்களுக்கு முன்பாக தொடங்கப்பட்டு விறுவிறுப்பாக நடைபெற்று வருகிறது. இந்நிலையில் இந்த படம் தொடர்பான முக்கிய அப்டேட் ஒன்று கிடைத்துள்ளது. அதாவது இந்த படத்தில் சிவகார்த்திகேயனுக்கு தம்பியாக அரண்மனை 4 படத்தில் நடித்திருந்த சிறுவன் சஞ்சய் நடிக்கிறார் என்று சொல்லப்படுகிறது. இதனை சஞ்சய் சமீபத்தில் நடந்த பேட்டியில் உறுதிப்படுத்தி இருக்கிறார். மேலும் படம் தொடர்பான அப்டேட்டுகள் அடுத்தடுத்து வெளியாகும் என்று நம்பப்படுகிறது.