- Advertisement -
கடந்த 2007 ஆம் ஆண்டு கார்த்தி நடிப்பில் வெளியாகி மாபெரும் ஹிட் கொடுத்த திரைப்படம் பருத்திவீரன். படம் வெளியான நாள் முதலே படத்தின் இயக்குனரான அமீர் மற்றும் தயாரிப்பாளர் ஞானவேல் ராஜா இருவருக்கும் இடையில் சலசலப்பு ஏற்பட்டது. முன்னதாக தயாரிப்பாளர் ஞானவேல் ராஜா இயக்குனர் அமீர் பொய் கணக்குகள் காட்டி பணத்தை மோசடி செய்து விட்டார் எனவும் அவருக்கு படம் எடுக்க தெரியாது என்றும் தொடர்ந்து பேசி வந்தார். ஆரம்பத்தில் இருந்தே இதனை அமீரும் மறுத்து அவ்வப்போது பதில் அளித்து வந்தார். சில நாட்களுக்கு முன்னர் ஞானவேல் ராஜா அளித்த பேட்டி ஒன்றில் அமீரை மிகவும் தரக்குறைவாக விமர்சித்து அவமானப்படுத்தும் விதமாக பேசினார்.
இதற்கு பலரும் கண்டனம் தெரிவித்து அமீருக்கு ஆதரவாக பேசினர். கண்டனங்களை தொடர்ந்து தயாரிப்பாளர் ஞானவேல் ராஜா, மன்னிப்பு கேட்டு அறிக்கை வெளியிட்டார். இருப்பினும், அதில் அமீர் தன்னை காயப்படுத்தி பேசியதாக அவர் குறிப்பிட்டது மீண்டும் ஒரு சர்ச்சையை ஏற்படுத்தியது. இதையடுத்து இந்த விவகாரம் சற்று ஓய்ந்துள்ளது.
