நடிகர் அஜித் துணிவு படத்திற்கு பிறகு தனது 62 ஆவது படமான விடாமுயற்சி திரைப்படத்தில் நடித்து வருகிறார். இந்த படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் சமீபத்தில் இதன் இறுதி கட்ட படப்பிடிப்பு நிறைவடைந்துள்ளது. 
இன்னும் பாடல் காட்சி ஒன்று மட்டும் படமாக்கப்பட இருக்கிறது. இந்த படத்தின் தயாரிப்பு நிறுவனமான லைக்கா நிறுவனம் விடாமுயற்சி திரைப்படத்தை தீபாவளி தினத்தன்று திரைக்கு கொண்டு வர திட்டமிட்டுள்ளது. ஆனால் படத்தின் பின்னணி வேலைகள் இன்னும் இருப்பதனால் படத்தின் இயக்குனர் மகிழ் திருமேனி 2024 டிசம்பர் மாதம் அல்லது 2025 ஜனவரி மாதத்தில் படத்தை வெளியிட முடிவு செய்துள்ளாராம்.
இதற்கிடையில் அஜித் தனது 63 வது படமான குட் பேட் அக்லி திரைப்படத்திலும் கமிட்டாகி நடித்து வருகிறார். இந்த படத்தின் முதல் கட்ட படப்பிடிப்பு ஏற்கனவே நிறைவடைந்த நிலையில் இரண்டாம் கட்ட படப்பிடிப்பு இன்னும் இரண்டு நாட்களில் நிறைவடைய இருக்கிறது. 
இந்த படத்தின் அறிவிப்பு வெளியான போதே இப்படம் 2025 பொங்கல் தினத்தை முன்னிட்டு வெளியாகும் என்று அறிவிக்கப்பட்டது. ஆனால் தற்போது அஜித்தின் விடாமுயற்சி திரைப்படம் தள்ளிப் போவதால் குட் பேட் அக்லி திரைப்படத்தின் ரிலீஸ் 2025 ஏப்ரல் மாதத்திற்கு ஒத்திவைக்கப்படும் என்று தற்போதைய தகவல்கள் தெரிவிக்கின்றன. மேலும் இது தொடர்பான அப்டேட்டுகள் இனிவரும் நாட்களில் வெளியாகும் என்று எதிர்பார்க்கப்படுகிறது.