ஹிப்ஹாப் ஆதி நடித்துள்ள பிடி சார்… டிரைலர் ரிலீஸ்…
ஹிப்ஹாப் ஆதி நடிப்பில் உருவாகி இருக்கும் பிடி சார் திரைப்படத்தின் டிரைலர் வெளியாகி உள்ளது.
கடந்த 2017-ம் ஆண்டு மீசைய முறுக்கு திரைப்படத்தின் மூலம் ஒரே சமயத்தில் இயக்குநராகவும், நடிகராகவும் கோலிவுட் திரையுலகில் தடம் பதித்தவர் ஹிப்ஹாப் ஆதி. இவரது சொந்த வாழ்வையே பயோபிக்காக எடுத்து அவரே அதில் நடித்தும் இருந்தார். இத்திரைப்படம் ரசிகர்கள் மத்தியில் ஏகபோக வரவேற்பை பெற்றது. படத்தில் இடம்பெற்ற பாடல்களும் ஹிட் அடித்தன. முதல் படத்திலேயே முத்திரை பதித்த ஹிப்ஹாப் ஆதி, அடுத்து, நட்பே துணை, நான் சிரித்தால் ஆகிய திரைப்படங்களில் அடுத்தடுத்து நடித்தார்.
இதனிடையே, பல படங்களில் இசை அமைப்பாளராகவும் பணியாற்றி வருகிறார். சுந்தர் சி இயக்கத்தில் வௌியான அனைத்து அரண்மனை திரைப்படங்களுக்கும் ஹிப்ஹாப் ஆதி இசை அமைத்திருக்கிறார். இவரது நடிப்பில் இறுதியாக வெளியான திரைப்படம் வீரன். ரசிகர்கள் மத்தியில் இத்திரைப்படம் நல்ல வரவேற்பை பெற்றது. இதைத் தொடர்ந்து, ஆதி நெஞ்சமுண்டு நேர்மையுண்டு ஓடு ராஜா திரைப்படத்தின் இயக்குநராக அறிமுகமான கார்த்திக் வேணுகோபாலன் இயக்கத்தில் புதிய படத்தில் நடித்திருக்கிறார்.
இத்திரைப்படத்திற்கு பிடி சார் என்று தலைப்பு வைக்கப்பட்டுள்ளது. படத்தில் ஆதியுடன் சேர்ந்து, காஷ்மிரா பர்தேசி, பாக்யராஜ், பிரபு, பாண்டியராஜ் ஆகியோர் முக்கிய கதாபாத்திரங்களில் நடித்திருக்கின்றனர். வேல்ஸ் நிறுவனம் படத்தை தயாரித்துள்ளது. இந்நிலையில் இத்திரைப்படத்தின் டிரைலர் வெளியாகி கவனம் பெற்று வருகிறது.
