விஷாலின் அடுத்த படத்தை இயக்கப் போவது இவரா?

விஷாலின் அடுத்த படம் குறித்த தகவல் வெளியாகியுள்ளது.

நடிகர் விஷால் தமிழ் சினிமாவில் முன்னணி நடிகர்களில் ஒருவராக வலம் வரும் நிலையில் இவரது நடிப்பில் கடைசியாக ரத்னம் திரைப்படம் வெளியானது. ஹரி இயக்கத்தில் வெளியான இந்த படம் எதிர்பார்த்த வெற்றியை தரவில்லை. அடுத்ததாக விஷால் துப்பறிவாளன் 2 திரைப்படத்தை தானே இயக்கி நடிக்கப் போகிறார் என்றும் சொல்லப்பட்டது. ஆனால் அதைத் தொடர்ந்து படம் தொடர்பான எந்த அறிவிப்பும் வெளியாகவில்லை. இதற்கிடையில் நடிகர் விஷால் நடிப்பில் உருவான மதகஜராஜா திரைப்படம் கடந்த 11 வருடங்களாக கிடப்பில் போடப்பட்டிருந்த நிலையில் 2024 செப்டம்பர் மாதத்தில் திரையிடப்பட திட்டமிடப்பட்டுள்ளது. இந்நிலையில் தான் விஷாலின் அடுத்த படத்தை இயக்குனர் கௌதம் வாசுதேவ் மேனன் இயக்கப் போவதாக தகவல் கசிந்துள்ளது.

அதாவது பிரபல இயக்குனர் கௌதம் வாசுதேவ் மேனன் தற்போது மம்மூட்டி நடிப்பில் புதிய படம் ஒன்றை இயக்கி வருகிறார். இந்த படத்தின் படப்பிடிப்பு கடந்த சில தினங்களுக்கு முன்பாக பூஜை உடன் தொடங்கப்பட்டு தற்போது கொச்சி பகுதியில் பரபரப்பாக நடைபெற்று வருகிறது. அடுத்ததாக கௌதம் வாசுதேவ் மேனன் விஷாலை இயக்கப் போகிறாராம். இந்த படத்திற்கு ஏ ஆர் ரகுமான் இசையமைக்க உள்ளதாகவும் சொல்லப்படுகிறது. விஷால் படத்திற்கு முதன்முறையாக ஏ ஆர் ரகுமான் இசையமைக்க இருப்பது படத்தின் மீதான எதிர்பார்ப்பை அதிகப்படுத்தி இருக்கிறது. மேலும் இந்த படத்தின் படப்பிடிப்பு 2024 செப்டம்பர் மாதம் சென்னையில் தொடங்க இருப்பதாக தற்போதைய தகவல்கள் தெரிவிக்கின்றன. எனவே இனிவரும் நாட்களில் இந்த படம் தொடர்பான அதிகாரப்பூர்வ அறிவிப்பு வெளியாகும் என்று நம்பப்படுகிறது.