Homeசெய்திகள்சினிமாபொங்கல் விருந்தாக வெளியாகும் 'ஜெயிலர் 2' டீசர்?

பொங்கல் விருந்தாக வெளியாகும் ‘ஜெயிலர் 2’ டீசர்?

-

- Advertisement -

சூப்பர் ஸ்டார் ரஜினிகாந்த் தற்போது லோகேஷ் கனகராஜ் இயக்கத்தில் உருவாகி வரும் கூலி திரைப்படத்தில் நடித்து வருகிறார். பொங்கல் விருந்தாக வெளியாகும் 'ஜெயிலர் 2' டீசர்?இந்த படத்தினை சன் பிக்சர்ஸ் நிறுவனம் தயாரிக்கிறது. இதேபோன்று ரஜினியின் பேட்ட, ஜெயிலர் போன்ற படங்களையும் சன் பிக்சர்ஸ் நிறுவனம் தயாரித்திருக்கிறது. அதிலும் கடந்த 2023 ஆம் ஆண்டு வெளியான ஜெயிலர் திரைப்படம் ரசிகர்கள் மத்தியில் ஏகபோக வரவேற்பை பெற்று சுமார் ரூ. 600 கோடிக்கும் அதிகமாக வசூல் செய்து வரலாற்று சாதனை படைத்தது. இந்த படத்தை நெல்சன் இயக்கியிருந்த நிலையில் தற்போது ஜெயிலர் 2 திரைப்படத்தையும் இயக்க திட்டமிட்டுள்ளார். அதன்படி கடந்த சில நாட்களுக்கு முன்பாக இந்த படத்தின் ப்ரோமோ படப்பிடிப்பு சென்னையில் நடைபெற்றதாக சொல்லப்படுகிறது. மேலும் கடந்த டிசம்பர் மாதம் ரஜினியின் பிறந்த நாளை முன்னிட்டு ஜெயிலர் 2 படத்தின் ப்ரோமோ வெளியாகும் என எதிர்பார்க்கப்பட்ட நிலையில் ஒரு சில காரணங்களால் ப்ரோமோ வெளியாகவில்லை.

இந்நிலையில் சன் பிக்சர்ஸ் நிறுவனம் வருகின்ற ஜனவரி 14 பொங்கல் தினத்தன்று (நாளை) மாலை 6 மணி அளவில் மிகப்பெரிய அறிவிப்பு வெளியாகும் என அறிவித்திருக்கிறது. இதன்மூலம் ஜெயிலர் 2 படத்தின் டீசர் பொங்கல் விருந்தாக வெளியாகப் போகிறது என ரசிகர்கள் பலரும் கமெண்ட் செய்து வருவதோடு மிகுந்த எதிர்பார்ப்புகளுடன் காத்துக் கொண்டிருக்கின்றனர்.

MUST READ