கமல்ஹாசன் நடிப்பில் உருவாகி வரும் தக் லைஃப் படத்தின் ரிலீஸ் தேதி அறிவிக்கப்பட்டுள்ளது.
கமல்ஹாசன் நடிப்பில் கடைசியாக இந்தியன் 2 திரைப்படம் வெளியானது. இந்த படம் எதிர்பார்த்த வெற்றியை பெறவில்லை. 
அடுத்தது இந்தியன் 3 திரைப்படத்தையும் கைவசம் வைத்துள்ளார் கமல்ஹாசன். இதற்கிடையில் இவர், மணிரத்னம் இயக்கத்தில் தக் லைஃப் எனும் திரைப்படத்தில் நடித்திருக்கிறார். இந்த படம் கமல்ஹாசனின் 234 வது படமாகும். இந்த படத்தை கமல்ஹாசனின் ராஜ் கமல் பிலிம்ஸ் இன்டர்நேஷனல் நிறுவனம் தயாரிக்க ஏ ஆர் ரகுமான் இதற்கு இசை அமைக்கிறார். இந்த படத்தின் படப்பிடிப்புகள் ஏற்கனவே தொடங்கப்பட்ட நிலையில் டப்பிங் பணிகளும் நடைபெற்று வந்தது. அதன்படி சமீபத்தில் இந்த படத்தின் படப்பிடிப்புகள் முழுவதும் நிறைவடைந்ததாக படக்குழு அறிவித்தது. இந்நிலையில் இந்த படத்தின் ரிலீஸ் தேதி அறிவிக்கப்பட்டுள்ளது.
அதன்படி இந்த படம் அடுத்த ஆண்டு 2025 ஜூன் மாதம் 5ஆம் தேதி வெளியாக இருக்கிறது. இதனை படக்குழு புதிய டீசர் வீடியோவை வெளியிட்டு அதிகாரப்பூர்வமாக அறிவித்துள்ளது. இந்த வீடியோ இன்று (நவம்பர் 7) உலகநாயகன் கமல்ஹாசனின் 70 வது பிறந்த நாளில் முன்னிட்டு வெளியிடப்பட்டுள்ளது.
மேலும் தக் லைஃப் படத்தில் கமலுடன் இணைந்து சிம்பு, திரிஷா, அசோக் செல்வன், கௌதம் கார்த்திக், ஐஷ்வர்யா லக்ஷ்மி, நாசர், அபிராமி, ஜோஜு ஜார்ஜ் ஆகிய பிரபலங்கள் முக்கிய கதாபாத்திரத்தில் நடித்திருக்கின்றனர் என்பது குறிப்பிடத்தக்கது.