காஞ்சனா 4 படம் குறித்த லேட்டஸ்ட் தகவல் வெளியாகியுள்ளது.
தமிழ் சினிமாவில் பன்முகத் திறமைகளை கொண்ட ராகவா லாரன்ஸ் தற்போது பென்ஸ், புல்லட், கால பைரவா போன்ற பல படங்களை கைவசம் வைத்துள்ளார். அதே சமயம் இவர், ‘காஞ்சனா 4’ படத்தை தானே தயாரித்து, இயக்கி, நடித்து வருகிறார். இந்த படமானது ஏற்கனவே ராகவா லாரன்ஸ் இயக்கியிருந்த முனி, காஞ்சனா 1,2 மற்றும் 3 ஆகிய படங்களை போல் காமெடி கலந்த ஹாரர் ஜானரில் உருவாகி வருகிறது. அதன்படி இந்த படத்தின் படப்பிடிப்புகள் ஏற்கனவே தொடங்கி பல கட்டங்களாக நடைபெற்று வருகிறது. மேலும் இந்த படத்தில் நடிகை பூஜா ஹெக்டே, நோரா ஃபதேஹி ஆகியோர் முக்கிய கதாபாத்திரங்களில் நடிக்கின்றனர் என ஏற்கனவே தகவல் கசிந்துள்ளது. 
அதே சமயம் இப்படத்தில் ரெடின் கிங்ஸ்லியும் நடிக்கிறார் என்று சொல்லப்பட்டது. தற்போது இதன் கூடுதல் தகவல் என்னவென்றால், இந்த படத்தில் நடிகர் ஆனந்தராஜ், தேவதர்ஷினி ஆகியோரும் இணைந்துள்ளதாக சினிமா வட்டாரங்கள் தெரிவிக்கின்றன. அடுத்தது இதன் படப்பிடிப்பு கிட்டத்தட்ட 70% நிறைவடைந்து விட்டதாகவும், இந்த படத்தை 2026 கோடை விடுமுறையில் திரைக்கு கொண்டு வர படக்குழு திட்டமிட்டு வருவதாகவும் தற்போதைய தகவல்கள் தெரிவிக்கின்றன. இனிவரும் நாட்களில் மற்ற அப்டேட்டுகள் வெளியாகும் என நம்பப்படுகிறது.