கும்பகோணத்தில் கார்த்தி27 படப்பிடிப்பு தீவிரம்… கார்த்தி, ராஜ்கிரண், அரவிந்த்சாமி பங்கேற்பு…

நடிகர் கார்த்தி விருமன், சர்தார், பொன்னியின் செல்வன் ஆகிய படங்களின் வெற்றிக்குப் பிறகு தனது 25 வது படமான ஜப்பான் திரைப்படத்தில் நடித்தார். இத்திரைப்படம் அண்மையில் திரையரங்குகளில் வெளியானது. ராஜூமுருகன் படத்தை இயக்கியிருந்தார். ஆனால், ஜப்பான் திரைப்படம் எதிர்பார்த்த அளவு வெற்றியை தரவில்லை. மேலும், வசூலிலும் தோல்வியைச் சந்தித்தது. அதனால் இந்த படத்தில் இழந்த வெற்றியை தனது அடுத்தடுத்த படங்களில் பெறும் முயற்சியில் ஈடுபட்டு வருகிறார். அதன்படி தனது 26 வது படத்தை நலன் குமாரசாமி இயக்கத்தில் நடித்து வருகிறார். இதில் கார்த்திக்கு ஜோடியாக கிருத்தி ஷெட்டி நடிக்கிறார். மேலும் இவர்களுடன் சத்யராஜ், ராஜ்கிரண் மற்றும் பலர் நடிக்கின்றனர்.

அதே சமயம் விஜய் சேதுபதி ,திரிஷா கூட்டணியில் வெளியான 96 படத்தின் மூலம் பிரபலமான பிரேம்குமார் இயக்கத்தில் கார்த்தி தனது 27-வது படத்தில் நடித்து வருகிறார். இதில் கார்த்தி உடன் இணைந்து அரவிந்த்சாமி முக்கிய கதாபாத்திரத்தில் நடித்து வருகிறார். மேலும் திரைப்படத்தில் கார்த்தி ஜோடியாக ஈரமான ரோஜாவே சீரியல் மூலம் பிரபலமான சுவாதி நடிப்பதாக தகவல் வெளியானது. சுவாதி கொண்டே ஏற்கனவே கன்னட படங்களில் நடித்தவர். அதன் பிறகு தான் விஜய் டிவியில் ஒளிபரப்பான ஈரமான ரோஜாவே 2 தொடரின் மூலம் சின்னத்திரையிலும் பணியாற்றி வந்தார்.

இந்நிலையில், இப்படத்தின் படப்பிடிப்பு கும்பகோணத்தில் தொடங்கி விறுவிறுப்பாக நடைபெற்று வருகிறது. படப்பிடிப்பில், கார்த்தி, அரவிந்த்சாமி, மற்றும் ராஜ்கிரண் ஆகியோர் பங்கேற்று உள்ளனர். படத்தின் மற்ற நடிகர், நடிகைகள் குறித்த அப்டேட் அடுத்தடுத்து வெளியாகும் என்று எதிர்பார்க்கப்படுகிறது.