இயக்குனர் லோகேஷ் கனகராஜ், கூலி படக்குழுவுடன் தனது பிறந்த நாளை கேக் வெட்டி கொண்டாடியுள்ளார்.
தமிழ் சினிமாவில் மாநகரம் ,கைதி, மாஸ்டர், விக்ரம், லியோ என அடுத்தடுத்த வெற்றி படங்களை கொடுத்த ரசிகர்கள் மனதில் நீங்கா இடம் பிடித்திருப்பவர் லோகேஷ் கனகராஜ். இவர் அடுத்ததாக கைதி 2, இரும்புக் கை மாயாவி போன்ற படங்களை இயக்க திட்டமிட்டுள்ளார். இதற்கிடையில் இவர் சூப்பர் ஸ்டார் ரஜினிகாந்த் நடிப்பில் கூலி திரைப்படத்தை இயக்கி வருகிறார். சன் பிக்சர்ஸ் நிறுவனத்தின் தயாரிப்பில் உருவாகும் இந்த படத்திற்கு அனிருத் இசையமைக்கிறார். கிரிஷ் கங்காதரன் இதன் ஒளிப்பதிவு பணிகளை கவனிக்கிறார். இந்த படத்தின் மீதான எதிர்பார்க்கும் மிகப்பெரிய அளவில் இருக்கும் நிலையில் இப்படமானது 2025 ஆகஸ்ட் மாதத்தில் திரைக்கு வரும் என சொல்லப்படுகிறது.
Lokesh Kanagaraj Birthday Celeb at #Coolie sets 💥🔥
— Christopher Kanagaraj (@Chrissuccess) March 14, 2025
அதன்படி ஏற்கனவே இந்த படத்தின் படப்பிடிப்புகளும் தொடங்கப்பட்டு விறுவிறுப்பாக நடைபெற்று வருகின்றன. விரைவில் ஒட்டுமொத்த படப்பிடிப்பும் நிறைவடைந்து விடும் என தகவல் வெளியாகி வருகிறது. இந்நிலையில் இயக்குனர் லோகேஷ் கனகராஜ், தன்னுடைய 39 வது பிறந்தநாள் இன்று (மார்ச் 14) கொண்டாடுகிறார். திரைப் பிரபலங்களும் ரசிகர்களும் அவருக்கு வாழ்த்து தெரிவித்து வருகின்றனர். அதே சமயம் கூலி படக்குழுவுடன் லோகேஷ் கனகராஜ் தன்னுடைய பிறந்தநாளை கேக் வெட்டிக் கொண்டாடும் வீடியோவும் இணையத்தில் வைரலாகி வருகிறது.