நடிகை மீரா ஜாஸ்மின் ரன், ஆயுத எழுத்து ஆகிய படங்களை அடுத்து மீண்டும் மாதவனுடன் நடிக்கிறார்.
நடிகை மீரா ஜாஸ்மின் தமிழ் சினிமாவில் பிரபல நடிகையாக வலம் வந்தார். ரன் படத்தில் மாதவனுக்கு ஜோடியாக நடித்த அவர் தமிழில் அறிமுகமானார். அதை அடுத்து ஆயுத எழுத்து படத்தில் மீண்டும் மாதவனுக்கு ஜோடியாக நடித்திருந்தார். கடைசியாக 2014-ம் ஆண்டு வெளியான விஞ்ஞானி படத்தில் தான் மீரா ஜாஸ்மின் தமிழில் நடித்திருந்தார்.
அதையடுத்து அவர் சினிமாவில் இருந்து மொத்தமாக விலகினார். தற்போது மீண்டும் அவர் சினிமாவில் ரீஎன்ட்ரி கொடுத்துள்ளார். மாதவன் உடன் மீண்டும் தமிழ் ரீஎன்ட்ரி கொடுக்கிறார். டெஸ்ட் படத்தில் மீரா ஜாஸ்மின் இணைந்துள்ளதாக அதிகாரப்பூர்வமாக அறிவிக்கப்பட்டுள்ளது.
மூன்றாவது முறையாக இந்த படத்தின் மூலம் மீரா ஜாஸ்மின் மாதவனுடன் இணைகிறார்.
நடிகர் மாதவன், சித்தார்த் மற்றும் நயன்தாரா மூவரும் முன்னணிக் கதாபாத்திரங்களில் ‘டெஸ்ட்’ என்ற படத்தில் நடிக்கிறனர்.
தமிழ்ப்படம், இறுதிச் சுற்று, விக்ரம் வேதா, மண்டேலா, ஜகமே தந்திரம் உள்ளிட்ட பல படங்களைத் தயாரித்த சசிகாந்த் இந்தப் படத்தின் மூலம் இயக்குனராக அறிமுகம் ஆகிறார். இந்தப் படத்திற்கு சந்தோஷ் நாராயணன் இசையமைக்க இருப்பதாகவும் கூறப்படுகிறது.
கிரிக்கெட் விளையாட்டை மையமாகக் கொண்டு உருவாகும் இந்தப் படத்தின் படப்பிடிப்பு தற்போது விறுவிறுப்பாக நடைபெற்று வருவதாகவும் தெரிவித்துள்ளனர்.