ராம் சரண் ரசிகர்களுக்கு சர்ப்ரைஸ் …. ‘பெடி’ படத்தின் அசத்தலான அப்டேட்!

‘பெடி’ படத்தின் முக்கிய அறிவிப்பு வெளியாகி உள்ளது. தெலுங்கு திரையுலகில் முன்னணி நடிகர்களில் ஒருவராக வலம் வருபவர் ராம் சரண். இவரது நடிப்பில் கடைசியாக கேம் சேஞ்சர் திரைப்படம் வெளியானது. பிரம்மாண்ட இயக்குனர் சங்கர் இயக்கியிருந்த இந்த படம் மிகுந்த எதிர்பார்ப்புகளுடன் வெளிவந்திருந்தாலும் ரசிகர்கள் மத்தியில் கலவையான விமர்சனங்களை பெற்றது. அதேசமயம் ராம் சரண், புச்சி பாபு சனா இயக்கத்தில் தனது 16 வது திரைப்படத்தில் நடித்து வருகிறார். இந்த படத்திற்கு பெடி (PEDDI) என்று பெயர் வைக்கப்பட்டுள்ளது. இந்த படத்தை மைத்ரி மூவி மேக்கர்ஸ் நிறுவனம் தயாரிக்க ஏ.ஆர். ரகுமான் இதற்கு இசையமைக்கிறார். மேலும் இப்படத்தில் ராம் சரணு டன் இணைந்து ஜான்வி கபூர் முக்கிய கதாபாத்திரத்தில் நடிக்கிறார். இந்த படத்தின் படப்பிடிப்புகள் ஏற்கனவே தொடங்கப்பட்டு பரபரப்பாக நடைபெற்று வருகிறது. இது ஒரு பக்கம் இருந்தாலும், மற்றொரு பக்கம் கேம் சேஞ்சர் திரைப்படம் ரசிகர்களை எதிர்பார்த்த அளவில் திருப்திப்படுத்தவில்லை என்பதால் பெடி படத்தைக் கொண்டாட ரசிகர்கள் காத்துக் கொண்டிருக்கின்றனர். அதன்படி இந்த படத்தின் மீதான எதிர்பார்ப்பும் அதிகமாக இருந்து வருகிறது. இந்நிலையில் தான் சமீபத்தில் இந்த படத்தின் ஃபர்ஸ்ட் லுக் போஸ்டரை படக்குழு வெளியிட்டிருந்தது. அடுத்தது இப்படத்தில் கிளிம்ப்ஸ் வீடியோ வருகின்ற ஏப்ரல் 6ஆம் தேதி வெளியாகும் என அறிவிக்கப்பட்டுள்ளது. எனவே இந்த தகவல் ராம் சரண் ரசிகர்களுக்கு இன்ப அதிர்ச்சியை தந்துள்ளது.