அமரன் படத்தில் இருந்து சாய் பல்லவியின் கிளிம்ப்ஸ் வீடியோ வெளியாகி உள்ளது.
சிவகார்த்திகேயன் நடிப்பில் உருவாகியுள்ள அமரன் திரைப்படம் வருகின்ற அக்டோபர் 31 தீபாவளி தினத்தன்று திரைக்கு வர இருக்கிறது. இந்த படத்தினை ரங்கூன் படத்தின் இயக்குனர் ராஜ்குமார் பெரியசாமி இயக்கியிருக்கிறார். கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் இந்த படத்தை தயாரித்துள்ளது. ஜிவி பிரகாஷ் இதற்கு இசையமைத்துள்ளார். இந்த படத்தில் சிவகார்த்திகேயன் ராணுவ அதிகாரியாக நடிக்க அவருடன் இணைந்து சாய்பல்லவி முக்கிய கதாபாத்திரத்தில் நடித்துள்ளார். அதாவது இந்த படமானது மறைந்த ராணுவ வீரர் முகுந்த் வரதராஜனின் வாழ்க்கை வரலாற்றை தழுவி உருவாக்கப்பட்டுள்ளது. மேலும் இந்த படம் சிவகார்த்திகேயனின் கேரியரில் மிகவும் முக்கியமான படமாக அமையும் என்று சொல்லப்படுகிறது. அந்த வகையில் சிவகார்த்திகேயன் தனது மற்ற படங்களை காட்டிலும் இந்த படத்தில் வித்தியாசமாக சீரியஸான கதாபாத்திரத்தில் நடித்திருக்கிறார். இந்த படத்தின் மீதான எதிர்பார்ப்பு மிகப்பெரிய அளவில் இருந்து வரும் நிலையில் ஏற்கனவே இந்த படத்தின் டீசர் வெளியாகி ரசிகர்களின் கவனம் ஈர்த்தது.
இந்நிலையில் இந்த படத்தில் இருந்து நடிகை சாய் பல்லவியின் கிளிம்ப்ஸ் வீடியோவை பட குழுவினர் வெளியிட்டுள்ளனர். இதன்மூலம் நடிகை சாய் பல்லவி அமரன் திரைப்படத்தில் இந்து ரெபேக்கா வர்கீஸ் என்ற கதாபாத்திரத்தில் நடித்துள்ளார் என்று தெரிவித்துள்ளனர். இந்த வீடியோ இணையத்தில் வைரலாகி வருகிறது.