சித்தார்த் நடிப்பில் உருவாகும் மிஸ் யூ படத்தில் ரிலீஸ் தேதி அறிவிக்கப்பட்டுள்ளது.
நடிகர் சித்தார்த் தமிழ் சினிமாவில் முன்னணி நடிகர்களில் ஒருவராக வலம் வருபவர். அந்த வகையில் இவர் பாய்ஸ், ஆயுத எழுத்து ஆகிய படங்களின் மூலம் ரசிகர்கள் மத்தியில் பிரபலமானவர். 
கடைசியாக இவர் கமல்ஹாசன், சங்கர் கூட்டணியில் வெளியான இந்தியன் 2 திரைப்படத்தில் நடித்திருந்தார். இந்த படம் எதிர்பார்த்த வெற்றியை தரவில்லை. அடுத்தது இவர், எட்டு தோட்டாக்கள் பட இயக்குனர் ஸ்ரீ கணேஷ் இயக்கத்தில் தனது 40வது திரைப்படத்தில் நடித்து வருகிறார். இதற்கிடையில் இவர் மிஸ் யூ என்ற திரைப்படத்தில் நடித்திருக்கிறார். இந்த படத்தினை மாப்ள சிங்கம், களத்தில் சந்திப்போம் ஆகிய படங்களை இயக்கிய ராஜசேகர் இயக்கியிருக்கிறார். இந்த படத்தில் சித்தார்த்துடன் இணைந்து ஆஷிகா ரங்கநாத், பால சரவணன், கருணாகரன் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். இந்த படத்தை செவன் மைல்ஸ் பர் செகண்ட் ப்ரொடக்ஷன்ஸ் நிறுவனம் தயாரிக்க ஜிப்ரான் இதற்கு இசையமைத்திருக்கிறார். 
கேஜி வெங்கடேஷ் இதன் ஒளிப்பதிவு பணிகளை மேற்கொண்டுள்ளார். காதல் கலந்த கதைக்களத்தில் உருவாகி இருக்கும் இந்த படத்தின் பர்ஸ்ட் லுக் போஸ்டர், பாடல்கள் என அடுத்தடுத்து வெளியாகி ரசிகர்களை வெகுவாக கவர்ந்துள்ளது. இந்நிலையில் இந்த படத்தின் ரிலீஸ் தேதி அறிவிக்கப்பட்டுள்ளது. அதன்படி மிஸ் யூ திரைப்படமானது வருகின்ற நவம்பர் 29ஆம் தேதி வெளியாகும் என படக்குழுவினர் சார்பில் தெரிவிக்கப்பட்டுள்ளது.