சிவகார்த்திகேயனின் 24 வது பட ஷூட்டிங் குறித்த தகவல் வெளியாகியுள்ளது.
தமிழ் சினிமாவில் தவிர்க்க முடியாத நடிகராக வலம் வரும் நடிகர்களில் ஒருவர் சிவகார்த்திகேயன். இவருடைய 21வது படமாக வெளியான அமரன் திரைப்படம் ரசிகர்கள் மத்தியில் ஏகபோக வரவேற்பை பெற்று இமாலய வெற்றியை தந்தது. இதைத்தொடர்ந்து சிவகார்த்திகேயன் தன்னுடைய அடுத்தடுத்த படங்களை மிகவும் கவனமாக தேர்ந்தெடுத்து வருகிறார். அந்த வகையில் சுதா கொங்கரா இயக்கத்தில் பராசக்தி திரைப்படத்தில் நடித்து வருகிறார். 
இதற்கிடையில் ஏ.ஆர். முருகதாஸ் இயக்கத்தில் உருவாகும் மதராஸி திரைப்படத்தையும் கைவசம் வைத்துள்ளார் சிவகார்த்திகேயன். இந்த படமானது 2025 செப்டம்பர் 5ஆம் தேதி திரைக்கு வர முழு வீச்சில் தயாராகி வருகிறது. இது தவிர சிவகார்த்திகேயன், வெங்கட் பிரபு, சிபி சக்கரவர்த்தி ஆகியோரின் இயக்கத்தில் தனது அடுத்தடுத்த படங்களில் நடிப்பதற்கு ஒப்பந்தமாகியுள்ளார். அதேசமயம் குட் நைட் பட இயக்குனர் விநாயக் சந்திரசேகரன் இயக்கத்திலும் புதிய படம் ஒன்றில் நடிக்க உள்ளதாக சொல்லப்பட்டது. அதன்படி இந்த படமானது சிவகார்த்திகேயனின் 24 ஆவது படமாக உருவாக இருக்கிறது. ஏற்கனவே சிபி சக்கரவர்த்தி – சிவகார்த்திகேயன் கூட்டணியில் உருவாகும் திரைப்படம் தான் SK 24 படமாக இருக்கும் என எதிர்பார்க்கப்பட்டது.
ஆனால் சிபி சக்கரவர்த்தி, நானியை வைத்து புதிய படம் ஒன்றை இயக்க உள்ளதால் வருங்காலத்தில் சிவகார்த்திகேயன் படத்தை இயக்குவார் என நம்பப்படுகிறது. எனவே விநாயக் சந்திரசேகரன் இயக்கத்தில் உருவாகும் SK 24 படத்தை பேஷன் ஸ்டுடியோஸ் நிறுவனம் தயாரிக்கப் போவதாக ஏற்கனவே தகவல் கசிந்திருந்த நிலையில், தற்போது இதன் படப்பிடிப்பு குறித்த அப்டேட்டும் கிடைத்திருக்கிறது. அதன்படி வருகின்ற ஜூலை மாதம் இப்படத்தின் படப்பிடிப்பு தொடங்கும் என புதிய தகவல்கள் தெரிவிக்கின்றன. விரைவில் அதிகாரப்பூர்வ அறிவிப்பு வெளியாகும் என நம்பப்படுகிறது.