- Advertisement -
சுந்தர் சி இயக்கத்தில் கடந்த 3-ம் தேதி திரையரங்குகளில் வெளியான அரண்மனை 4 திரைப்படம் பாக்ஸ் ஆபிஸில் பட்டையை கிளப்பி வருகிறது.
காதல், நகைச்சுவை, காமெடி, படங்களுக்கு மத்தியில் திகில் திரைப்படங்களுக்கும் தமிழ் ரசிகர்கள் மத்தியில் தனி வரவேற்பு உள்ளது. அதிலும் குறிப்பாக காஞ்சூரிங் போன்று, தமிழ் சினிமாவிலும் எடுக்கப்படும் திகில் திரைப்பட தொடர்கள் மக்கள் மத்தியில் வரவேற்பை பெறுகின்றன. அந்த வகையில், சுந்தர் சி இயக்கத்தில் ஆண்டுக்கு ஒரு முறை வெளியாகி அதிரி புதிரி கிளப்பும் திரைப்படங்கள் தான் அரண்மனை. அந்த வகையில், சுந்தர் சி இயக்கத்தில் தற்போது திரையரங்குகளில் வெளியாகி இருக்கும் திரைப்படம் அரண்மனை நான்காம் பாகம்.
இதில் தமன்னா, ராஷி கண்ணா, சந்தோஷ் பிரதாப், விடிவி கணேஷ், யோகி பாபு உள்பட பலர் முக்கிய கதாபாத்திரங்களில் நடித்திருந்தனர். இத்திரைப்படத்திற்கு ஹிப் ஹாப் ஆதி இசை அமைக்கிறார். இத்திரைப்படம் கடந்த 3-ம் தேதி திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இதற்கு முன்பாக வெளிவந்த அரண்மனை திரைப்படங்களை விட 4-ம் பாகம் சற்று வித்யாசமாக இருப்பதாகவும், பலர் தங்களின் விமர்சனங்களை தெரிவித்து வருகின்றனர்.
