விஜய் நடிப்பில் உருவாகி வரும் திரைப்படம் தான் தி கோட் ( தி கிரேட்டஸ்ட் ஆஃப் ஆல் டைம்). இந்த படத்தை ஏஜிஎஸ் நிறுவனம் தயாரிக்கிறது. வெங்கட் பிரபு படத்தை இயக்க யுவன் சங்கர் ராஜா இசை அமைக்கிறார். 
சித்தார்த்தா நுனி இதன் ஒளிப்பதிவு பணிகளை கவனிக்கிறார். இந்த படத்தில் விஜயுடன் இணைந்து சினேகா, லைலா, பிரசாந்த், பிரபுதேவா, மைக் மோகன், மீனாட்சி சௌத்ரி உள்ளிட்டோர் முக்கிய கதாபாத்திரங்களில் நடித்துள்ளனர். இந்த படத்தில் நடிகர் விஜய் இரட்டை வேடங்களில் நடிக்கிறார். படத்தின் படப்பிடிப்பு ஏற்கனவே நிறைவடைந்து தற்போது படத்தின் பின்னணி வேலைகள் விறுவிறுப்பாக நடைபெற்று வருகின்றன. இதற்கிடையில் இந்த படத்தின் அடுத்தடுத்த போஸ்டர்களும் அடுத்தடுத்த பாடல்களும் வெளியாகி வருகின்றன. இருப்பினும் பாடல்கள் எதிர்பார்த்த அளவில் வரவேற்பை பெறவில்லை. எனவே டிரைலராவது ரசிகர்களை கவருமா? என்று பலரும் கமெண்ட் செய்து வருகின்றனர். இந்நிலையில் ஏற்கனவே வெளியான தகவலின் படி படத்தின் டிரைலர் வருகின்ற ஆகஸ்ட் 19 அன்று வெளியாகும் என சொல்லப்பட்டது.
ஆனால் தற்போது கிடைத்த தகவல் என்னவென்றால் இதன் ட்ரெய்லரை வருகின்ற ஆகஸ்ட் 15 சுதந்திர தினத்தை முன்னிட்டு வெளியிட படக்குழு திட்டமிட்டுள்ளதாக தெரியவந்துள்ளது. அதற்கான முழு ஏற்பாடுகளும் நடைபெற்று வருவதாக புதிய அப்டேட் வெளிவந்துள்ளது. மேலும் ட்ரெய்லரானது படம் குறித்து பாசிட்டிவான வைபை கொடுக்க வேண்டும் என தயாரிப்பு நிறுவனம் வெங்கட் பிரபுவிற்கு நெருக்கடி கொடுப்பதாக தற்போதைய தகவல்கள் தெரிவிக்கின்றன.