தக் லைஃப் படப்பிடிப்பு தொடக்கம்… சிம்புவின் காட்சிகள் படமாக்கம்…
தக் லைஃப் படத்தின் படப்பிடிப்பு இன்று மீண்டும் தொடங்கியுள்ள நிலையில், சிம்பு இடம்பெறும் காட்சிகள் படமாக்கப்படுகின்றன.
நடிகர் கமல்ஹாசன் தற்போது ஷங்கர் இயக்கத்தில் ‘இந்தியன் 2’ படத்தில் நடித்து முடித்துள்ளார். இந்தப் படத்தை அடுத்து எச்.வினோத் இயக்கத்தில் கமல் புதிய படத்தில் நடிக்க உள்ளார். அந்தப் படத்தை அடுத்து மணிரத்னம் இயக்கத்தில் கமல் நடிக்க உள்ளார். இந்தப் படத்தின் அறிவிப்பு சில மாதங்களுக்கு முன்பு வெளியாகியது. இப்படத்திசற்கு ஏ.ஆர்.ரஹ்மான் இசை அமைக்கிறார்.
‘நாயகன்’ படத்தை அடுத்து 35 வருடங்கள் கழித்து இந்தக் கூட்டணி மீண்டும் இணைகின்றனர். படத்தில் த்ரிஷா, ஜெயம்ரவி, கௌதம் கார்த்திக், ஐஸ்வர்யா லட்சுமி ஆகியோர் முக்கிய கதாபாத்திரங்களில் நடிக்கின்றனர். இது மட்டுமன்றி படத்திற்கு தக் லைஃப் என்று தலைப்பு வைக்கப்பட்டுள்ளது. படத்தின் அறிவிப்பு காணொலியையும் கடந்த ஆண்டு படக்குழு வெளியிட்டது. ரிவர்ஸ் மோசனில் வித்தியாசமாக இந்த காணொலி எடுக்கப்பட்டது. இப்படத்தின் படப்பிடிப்பு பல கட்டங்களாக நடைபெற்று வந்த நிலையில், படப்பிடிப்பு தேர்தல் காரணமாக நிறுத்தி வைக்கப்பட்டது.
இந்நிலையில், தக் லைஃப் படத்தின் படப்பிடிப்பு நீண்ட இடைவெளிக்கு பிறகு மீண்டும் தொடங்கி இருக்கிறது.இதில் சிம்பு இடம்பெறும் காட்சிகள் படமாக்கப்பட்டு வருவதாக தகவல் வெளியாகி உள்ளது. இருப்பினும், தேர்தல் முடிந்தபிறகு தான், கமல்ஹாசன் படப்பிடிப்பில் பங்கேற்பார் என்று கூறப்படுகிறது.
