வாரிசு படத்திலிருந்து நீக்கப்பட்ட காட்சிகள் வெளியானது
விஜய் நடிப்பில் வெளியான வாரிசு படத்திலிருந்து நீக்கப்பட்ட காட்சிகளை படக்குழு வௌியிட்டு உள்ளது.
வம்சி இயக்கத்தில் விஜய் நடிப்பில் வாரிசு திரைப்டம், இந்த ஆண்டு பொங்கல் பண்டிகையை முன்னிட்டு கடந்த ஜனவரி 11-ம் தேதி திரையரங்குகளில் வெளியானது. குடும்ப உறவுகளில் வரும் சிக்கல், தொழில் போட்டி ஆகியவற்றை மையமாகக் கொண்டு உருவான இப்படத்திற்கு தமன் இசை அமைத்திருந்தார்.
இப்படத்தை தில்ராஜு தயாரித்தார். ராஷ்மிகா மந்தனா, சரத்குமார், பிரபு, யோகிபாபு, ஷ்யாம் உள்ளிட்ட பலர் முக்கிய கதாபாத்திரங்களில் நடித்து இருந்தனர். முதல் நாளில் இப்படம் ரூ.19.43 கோடி வசூலித்துள்ளதாக தகவல் வெளியானது. உலக அளவில் 7 நாட்களில் ரூ.210 கோடியை வசூலித்ததாக அதிகாரபூர்வமாக படக்குழு அறிவித்தது. விமர்சன ரீதியில் வரவேற்பு இல்லை என்றாலும், வசூலில் நல்ல வருவாயை படம் ஈட்டியது. இதையடுத்து, கடந்த பிப்ரவரி 22-ம் தேதி இப்படம் ஓடிடி தளத்தில் வெளியானது.
இந்நிலையில், வாரிசு படத்திலிருந்து நீக்கப்பட்ட காட்சிகளை படக்குழு இணையத்தில் பகிர்ந்துள்ளது. இதை ரசிகர்கள் டிரெண்டாக்கி வருகின்றனர்.