விக்ரம் நடிப்பில் கடைசியாக தங்கலான் எனும் திரைப்படம் வெளியானது. பா ரஞ்சித் இயக்கியிருந்த இந்த படம் கலவையான விமர்சனங்களை பெற்ற போதிலும் 100 கோடிக்கு மேல் வசூல் செய்திருந்தது. அதே சமயம் நடிகர் விக்ரம், வீர தீர சூரன் எனும் திரைப்படத்திலும் நடித்து வருகிறார். 
இந்த படத்தினை பண்ணையாரும் பத்மினியும், சேதுபதி, சித்தா உள்ளிட்ட படங்களை இயக்கிய அருண்குமார் இயக்கி வருகிறார். ஜி.வி. பிரகாஷ் இந்த படத்திற்கு இசையமைக்கிறார். ஹெச். ஆர். பிக்சர்ஸ் நிறுவனம் இந்த படத்தை தயாரிக்கிறது. இரண்டு பாகங்களாக உருவாகும் இந்த படத்தின் இரண்டாம் பாகம் தான் தற்போது உருவாகி வருகிறது.
இதில் விக்ரமுக்கு ஜோடியாக துஷாரா விஜயன் நடிக்க வில்லனாக எஸ் ஜே சூர்யா நடிக்கிறார். மேலும் சித்திக், சுராஜ் வெஞ்சரமூடு உள்ளிட்டோரும் முக்கிய கதாபாத்திரங்களில் நடிக்கின்றனர். இந்தப் படத்தின் படப்பிடிப்பு கடந்த சில மாதங்களுக்கு முன்னரே தொடங்கப்பட்டு தென்காசி, மதுரை உள்ளிட்ட பகுதிகளில் விறுவிறுப்பாக நடைபெற்று வருகிறது. மேலும் இந்த படமானது 2025 பொங்கல் தினத்தை முன்னிட்டு வெளியாகும் என்று சமூக வலைதளங்களில் தொடர்ந்து பல தகவல்கள் வெளி வருகின்றன. ஆனால் இதுவரை படக்குழுவினரிடமிருந்து அதிகாரப்பூர்வ அறிவிப்பு வெளியிடப்படவில்லை.
The Tamilnadu theatrical rights for our prestigious movie #VeeraDheeraSooran have been acquired by @FivestarSenthil ! Get ready for a thrilling cinematic experience coming soon to theaters near you 🥳@chiyaan #Kaali #காளி#VeeraDheeraSooran
An #SUArunkumar Picture
A… pic.twitter.com/yWst065LzA— HR Pictures (@hr_pictures) October 28, 2024
இந்நிலையில் இந்த படத்தினை தமிழ்நாட்டில் வெளியிடும் உரிமையை பைவ் ஸ்டார் நிறுவனம் கைப்பற்றியுள்ளதாக படக்குழு புதிய வீடியோ ஒன்றை வெளியிட்டு அறிவித்துள்ளது. அத்துடன் புதிய போஸ்டரும் வெளியிடப்பட்டிருக்கும் நிலையில் இந்த வீடியோவும் போஸ்டரும் இணையத்தில் வைரலாகி வருகிறது.