விமல் நடிக்கும் சார் படத்திலிருந்து இரண்டாவது ட்ரெய்லர் வெளியாகி உள்ளது.
நடிகர் விமல் தமிழ் சினிமாவில் முன்னணி நடிகர்களில் ஒருவராவார். இவர் களவாணி, தேசிங்கு ராஜா போன்ற படங்களின் மூலம் ரசிகர்கள் மத்தியில் பிரபலமானவர். 
கடைசியாக இவரது நடிப்பில் போகுமிடம் வெகு தூரமில்லை திரைப்படம் வெளியானது. வித்தியாசமான கதைக்களத்தில் உருவாகியிருந்த இந்த படம் ரசிகர்கள் மத்தியில் நல்ல வரவேற்பை பெற்றது. அதைத்தொடர்ந்து நடிகர் விமல் சார் எனும் திரைப்படத்தில் நடித்திருக்கிறார். இந்த படத்தினை பிரபல நடிகரும் இயக்குனருமான போஸ் வெங்கட் இயக்கியுள்ளார். படத்தில் விமலுடன் இணைந்து சாயாதேவி கண்ணன், ரமா, சரவணன், சிராஜ் உள்ளிட்டோர் முக்கிய கதாபாத்திரங்களில் நடித்திருக்கின்றனர். இந்த படத்தினை வெற்றிமாறனின் கிராஸ் ரூட் நிறுவனமும் எஸ் எஸ் எஸ் பிக்சர்ஸ் நிறுவனமும் இணைந்து தயாரித்திருக்கிறது. சித்த குமார் இந்த படத்திற்கு இசையமைத்துள்ளார். இனியன் ஜெ ஹரிஷ் இதன் ஒளிப்பதிவு பணிகளை மேற்கொண்டுள்ளார்.
கல்வி தொடர்பான கதைக்களத்தில் உருவாகி இருக்கும் இந்த படத்தில் நடிகர் விமல் வாத்தியாராக நடித்திருக்கிறார். இந்த படம் வருகின்ற அக்டோபர் 18ஆம் தேதி திரைக்கு வர இருக்கிறது. அதற்கு முன்பாக இந்த படத்தின் பிரத்யேக காட்சியை பார்த்த திரை பிரபலங்கள் பலரும் படத்தினை பாராட்டி வருகின்றனர். மேலும் இந்த படத்தில் இருந்து அடுத்தடுத்த பாடல்களும் ட்ரெய்லரும் ஏற்கனவே வெளியாகி ரசிகர்களை வெகுவாக கவர்ந்துள்ளது. இந்நிலையில் இதன் இரண்டாவது ட்ரெய்லரும்
வெளியாகி படத்தின் மீதான எதிர்பார்ப்பை அதிகப்படுத்தி உள்ளது.