மழை பிடிக்காத மனிதன் படத்தின் டிரைலர் குறித்த அறிவிப்பு வெளியாகி உள்ளது.
தமிழ் சினிமாவில் இசையமைப்பாளராகவும் நடிகராகவும் வலம் வரும் விஜய் ஆண்டனி கடைசியாக ரோமியோ திரைப்படத்தில் நடித்திருந்தார். அதைத் தொடர்ந்து பல படங்களில் பிஸியாக நடித்து வரும் விஜய் ஆண்டனி ஹிட்லர், வள்ளி மயில் போன்ற பல படங்களை கைவசம் வைத்திருக்கிறார். அதில் இவருடைய ஹிட்லர் திரைப்படம் 2024 ஆகஸ்ட் மாதத்தில் வெளியாக இருப்பதாக அறிவிக்கப்பட்டுள்ளது. இதற்கிடையில் விஜய் ஆண்டனி, மழை பிடிக்காத மனிதன் எனும் திரைப்படத்தில் நடித்திருக்கிறார். இந்த படத்தை காதல், தீபாவளி, கோலி சோடா போன்ற படங்களின் மூலம் ரசிகர்கள் மத்தியில் பிரபலமான விஜய் மில்டன் இயக்கியுள்ளார். இந்த படத்தில் விஜய் ஆண்டனி தவிர சரத்குமார், சரண்யா பொன்வண்ணன், மேகா ஆகாஷ், தலைவாசல் விஜய் போன்றோர் முக்கிய கதாபாத்திரங்களில் நடித்துள்ளனர். 
இந்த படத்தை இன்ஃபினிட்டி பிலிம் வென்சர்ஸ் நிறுவனம் தயாரிக்க படத்திற்கு விஜய் ஆண்டனி, ராஜாமணி ஆகியோர் இணைந்து இசை அமைத்துள்ளனர். ஏற்கனவே இந்த படத்தின் டீசரும் அதைத் தொடர்ந்து முதல் இரண்டு பாடல்களும் வெளியாகி ரசிகர்களின் கவனம் பெற்றது. இந்நிலையில் இந்த படத்தின் டிரைலர் வருகின்ற ஜூன் 29ஆம் தேதி வெளியாகும் என படக்குழுவினர் புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர்.