விஜயின் ஜனநாயகன் பட செகண்ட் சிங்கிள் குறித்த அப்டேட் வெளியாகியுள்ளது.
தமிழ் சினிமாவின் டாப் நடிகர்களில் ஒருவரான விஜய் கடைசியாக ‘தி கிரேட்டஸ்ட் ஆஃப் ஆல் டைம்’ திரைப்படத்தில் நடித்திருந்தார். அடுத்தது இவருடைய நடிப்பில் ஜனநாயகன் எனும் திரைப்படம் உருவாகி இருக்கிறது. இப்படம் விஜயின் 69 ஆவது படமாகும். இதனை தீரன் அதிகாரம் ஒன்று, வலிமை ஆகிய படங்களை இயக்கிய ஹெச். வினோத் இயக்குகிறார். கேவிஎன் ப்ரொடக்ஷன்ஸ் நிறுவனத்தின் தயாரிப்பிலும் அனிருத்தின் இசையிலும் இந்த படம் உருவாகி வருகிறது. இதில் விஜயுடன் இணைந்து பூஜா ஹெக்டே, மமிதா பைஜு, பாபி தியோல் மற்றும் பலர் நடித்துள்ளனர். இதில் விஜய் போலீஸ் அதிகாரியாக நடித்திருக்கிறார்.
படத்தின் படப்பிடிப்புகள் ஏற்கனவே நிறைவடைந்து பின்னணி வேலைகள் விறுவிறுப்பாக நடைபெற்று வருகின்றன. அதே சமயம் இந்த படம் 2026 ஜனவரி 9 அன்று உலகம் முழுவதும் திரைக்கு வரும் என்றும் வருகின்ற டிசம்பர் 27ஆம் தேதி இந்த படத்தின் இசை வெளியீட்டு விழா மலேசியாவில் நடைபெறும் என்றும் அறிவிக்கப்பட்டுள்ளது. இதற்கிடையில் இந்த படத்தில் இருந்து முன்னோட்ட வீடியோவும், அடுத்தடுத்த போஸ்டர்களும், முதல் பாடலும் வெளியாகி ரசிகர்களை உற்சாகப்படுத்தியது. 
அடுத்தது இந்த படத்தின் இரண்டாவது பாடல் வருகின்ற டிசம்பர் 4ஆம் தேதி வெளியாகும் என தற்போதைய தகவல்கள் தெரிவிக்கின்றன. எனவே விரைவில் அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.